Azores

Rechión Autonoma d'as Azores; Região Autónoma dos Açores
	Rechión autonoma de Portugal
Bandera	Escudo
	; Azores en Portugal y en a Unión Europea
Capital	Ponta Delgada; Angra do Heroísmo; Horta
Idioma oficial	Portugués
Entidat; • Estato	Rechión autonoma; Portugal
Superficie; • Total	; 2333 km²
Población; • Total; • Densidat	; 241763 hab. (2001); 104 hab/km²
President	Carlos César
Autonomía	4 de setiembre de 1976
Zona horaria	UTC-1
Prefixo telefonico	+351 292
	Pachina web oficial

As Azores (en portugués Os Açores) formen un archipielago d'islas portuguesas situato en mel meyo de l'ocián Atlantico a uns 1.500 km de Lisboa y a uns 3.900 km d'a costa este d'America d'o Norte.

Contenius

1 Cheografía
2 Etimolochía
3 Rechión Autonoma d'as Azores
- 3.1 Municipios
4 Personaches famosos
5 Referencias
6 Vinclos externos

[editar] Cheografía

L'archipielago d'as Azores visto dende un satelite.

Ye un conchunto de nueu islas que s'estendillan en dirección norte-ueste sud-este a o largo de mas de 600 kilometros y conforman una aria economica exclusiva d'1,1 millons de kilometros quadratos. O punto mas occidental d'ista aria se troba a 3.380 km d'America d'o Norte. Fueras d'a isla de Santa Maria, toda a resta tienen orichen vulcanico. O mont de Pico, en a isla homonima, ye, con os suyos 2.351 m, a mas alta de Portugal. As Azores son, de feito, os picos d'as montanyas mas altas d'a planeta, si las mesuramos dende a base enta o fundo de l'ocián.

L'archipielago forma una d'as dos rechions autonomas de Portugal, a Rechión Autonoma d'as Azores. Tien 2.355 km² y una población de 238.767 habitants (2002). A capital d'as Azores ye a ciutat de Ponta Delgada, en a isla de São Miguel, a mas gran y mas poblata de l'archipielago. As atras dos capitals son Angra do Heroísmo, en Terceira, y Horta, en Faial. Tamién i destacan as ciudatz de Praia da Vitória, tamién en Terceira, y Ribeira Grande, en São Miguel. As nueu islas se dividen en tres grupos:

O grupo oriental, con São Miguel, Santa Maria y as isletas d'as Formigas.
O grupo central, con Terceira, Graciosa, São Jorge, Pico y Faial.
O grupo occidental, con Flores y Corvo.

[editar] Etimolochía

L'orichen d'o nombre de l'archipielago no se conoixe con exactitut. Tradicionalment, se diz que deriva de l'azor (açor en portugués), porque se suposa que yera un au que i yera habitual en l'inte d'o descubrimiento. De feito, manimenos, nunca no bi'n ha habito en as islas. Bells historiadors piensan que o toponimo tien o suyo orichen en a embotada antiga en portugués azures (atzurs, ye decir, azuls) por a color azul d'as islas vistas dende luén. A mayoría, manimenos, creye que o nombre deriva d'as aus, si bien no d'as astors sino d'una subespecie local d'esparver (Buteo buteo), que sería l'animal que os primers exploradors identificoron erroniament con aquells.

[editar] Rechión Autonoma d'as Azores

A Rechión Autonoma d'as Azores (en portugués Região Autónoma dos Açores) ye un territorio de Portugal con autonomía politica y administrativa y, alavez, una rechión ultraperiferica d'a Unión Europea que cheograficament corresponde a l'archipielago d'as Azores.

As islas no tienen existencia churidica propia aintro de l'ordenamiento territorial de l'archipielago, fueras d'a lei electoral rechional, en a que sirven de base ta as circumscripcions electorals. Iste feito ha prebocato quantas creticas, ya que promueve a sobrerrepresentación d'as islas menos poblatas en l'Asambleya Rechional y creba a proporcionalidat.

[editar] Municipios

Laguna d'a Caldeira de Santo Cristo, Calheta, isla de São Jorge.

O Pico, en a isla de Pico, visto des d'Espalamaca, en a isla de Faial.

Mapa d'as Azores de Luís Teixeira (vers 1584).

L'archipielago se divide administrativament en 19 municipios:

[editar] Personaches famosos

[editar] Referencias

NUÑEZ SEIXAS, Xosé M. (1998), Movimientos nacionalistas en Europa en el siglo XX, Madrid, Síntesis (Historia Universal Contemporánea, 26).
FERNANDEZ ARMESTO, Felipe (1996), Los hijos de Zeus, Barcelona, Grijalbo.
JANKE, Peter (1983), Guerrilla and terrorist organisations, Oxford, Harvest Press.