Automobilismo
L'automobilismo ye o conchunto de conoiximientos arredol d'o mundo de l'auto, ye decir, a evolución, a fabricación, a traza de funcionar y a conducción d'os autos. O termin tamién encluye l'emplego esportivo y as competicions d'autos.
Ye un esporte con a saber-los seguidors, estando a Formula 1 y as competicions NASCAR y Formula Indy (istas, en Estatos Unitos) una d'as estrelas d'as retransmisions esportivas por televisión. Ye un esporte mas que mas tecnolochico, en estar as innovacions tecnolochicas en os autos d'os corredors un elemento d'importancia vital en o desenvolique d'as cursas automobilisticas. Cal parar cuenta que muitas d'ixas innovacions s'emplegan en primeras en o mundo d'as competicions, pero que dimpués revierten en milloras en os autos d'emplego cutiano. Os regles d'iste esporte son establitos y modificatos por a Federación Internacional de l'Automóbil (FIA).
