Audrey Tautou

De Biquipedia
Ir ta: navego, busca
Audrey Tautou
L'actriz Audrey Tautou, en una imachen de 2010.
L'actriz Audrey Tautou, en una imachen de 2010.
Información personal
Nombre real Audrey Justine Tautou
Calendata naiximiento: 9 d'agosto de 1976
Puesto naiximiento: Flag of Occitania.svg Beaumont (Puèi Domat)
Premios César
Premio César a la Millor Actriz Revelación:
-2000: Venus Beauty Institute

Audrey Tautou (/'odʀe totu'/) naixita de Beaumont en o Puèi Domat o 9 d'agosto de 1976, ye una actriz occitana, conoixita mundialment por interpretar a Amélie Poulain en a cinta francesa Amélie y a Sophie Neveu en a producción estatounitense O Codigo Da Vinci.

Biografía[editar | editar código]

Primers anyos[editar | editar código]

Tautou naixió en o departamento occitán de Puy-de-Dôme, en a rechión d'Auvernia, y crexió en Montluçon, en o vecín departamento d'Alier. Filla d'un dentista y d'una mayestra, tien un chirmán y dos chirmanas, menors que ella.

S'intresó por a comedia dende que yera chicorrona y prencipió a ir a clases d'arte dramatico en a escuela d'actuación Corus Florent, prestichiosa en o suyo país con bells actors famosos como antigos alunnos.

Carrera[editar | editar código]

En l'anyo 1998, Tautou participó en un casting dito "Jeunes Premiers" (en francés "Debut Choven") en o Canal + d'a televisión francesa y amás obtenió o primer premio en a categoría de Millor Actriz Choven en o 9° Festival de Béziers. Dimpués tamién participó en a cinta Venus Beauty Institute, por a que ganó un Premio César a la Millor Actriz Revelación. En l'anyo 2000, ganó o Premio Suzanne Bianchetti en o suyo país por estar considerata a choven actriz más prometedora.

Estando ya conoixita en Francia por o suyo treballo en Venus Beauty Institute, en 2001, Tautou obtenió a fama internacional por a suya actuación como Amélie en a comedia romantica francesa Le Fabuleux Destin d'Amélie Poulain. En chunio de 2004, la convidoron a unir-se a l'Academia d'as Artes y as Sciencias Cinematograficas de Hollywood, d'a quala ye miembro dende l'1 de setiembre de 2006.

En 2005, Tautou treballó en a suya primera producción de Hollywood chunto a Tom Hanks en l'adaptación cinematografica de O Codigo Da Vinci, interpretando a la criptologa Sophie Neveu. Tamién treballó chunto a Gad Elmaleh en Hors de prix (2006).

Filmografía[editar | editar código]

Premios y nominacions[editar | editar código]

Vinclos externos[editar | editar código]