Asturians

De Biquipedia
Ir ta: navego, busca
Asturians
Asturianos
Jovellanos.jpgFernando-alonso-malaysia-2013.jpgLetizia Ortiz Rocasolano oil paint 2012.jpg
Jovellanos · Fernando Alonso · Letizia Ortiz
Población total
1.500.000
Rechions con comunidatz importants
Flag of Asturias.svg Asturias
Flag of Spain.svg Espanya 1.500.000
Idiomas
Asturián, eonaviego y castellán.
Relichión
Catolica romana
Pueblos relacionatos
Leyoneses, cantabros, gallegos, castellans y atros pueblos latins

Os asturians son os habitants d'Asturias. Charran l'astur-leyonés, una luenga romanz en camín de desapareixer debant o castellán, y son cristians catolicos.

Modo de vida tradicional[editar | editar código]

Os modos de vida tradicionals son l'agricultura (os asturians xaldos), a ganadería transuant (os vaqueiros) y pesca (os marnuetos), destacando o desembolique minero dica fins d'o sieglo XX.

Os pastors transuants son conoixitos como vaqueiros y presentan una cultura orichinal con unas chozas y una parla caracteristica.

Luenga[editar | editar código]

Gnome-searchtool.svg
Ta más detalles, veyer l'articlo idioma asturiánveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga astur-leyonesa tradicionalment quasi tot Asturias, de fueras d'a muga con Galicia, on bi ha una zona gallegoparlant y una zona de transición gallego-asturián, (como se desvién en a Ribagorza con l'aragonés y lo catalán y parlas transicionals). L'astur-leyonés en Asturias recibe a denominación eufemistica de bable (como l'aragonés "fabla"), encara que agora se reivindique como asturianu. As parlas asturianas se dividen en tres grupos (occidental, central y oriental) que continan fuera d'Asturias: cabo nororiental de Portugal, Zamora, Cantabria, pero sobretot en Leyón costituindo l'astur-leyonés occidental, astur-leyonés central y astur-leyonés oriental. L'asturián oriental ye o que més periglo de desapareixer corre. L'asturián central ye a base d'a luenga standard. L'asturián occidental ye percibito por muitos asturians (castellanoparlants u asturianoparlants) como con trazas gallegas pero ye més puro y menos castellanizato que l'asturián central, que perdió os diftongos decreixents -ei- y o grupo –it- exclusivos actualment de l'asturián occidental y comuns con o galaicoportugués.

Antropolochía biolochica[editar | editar código]

En Asturias bi ha dos focos de braquicefalia centratos en a costa.

Relichión[editar | editar código]

Os asturians son tradicionalment catolicos. En o folklore asturián bi ha pervivencias paganas como por eixemplo a creyencia en as xanes, herencio d'as ninfas y que tienen un nombre derivato d'a diosa Diana, a l'egual que o toponimo Fontchanina en a Ribagorza.

Historia[editar | editar código]

O territorio actual d'os asturians yera ocupato en l'Alta Edat Meya por os asturs (a l'ueste d'o río Sella) y cantabros (a l'este d'o Sella). Os dos pueblos celtas yeran en grau de romanización avanzata pero s'heban independizato d'os romans. Os visigodos prebaban de sozmeter-los.

A invasión musulmana fació que a monarquía visigoda cristiana mirase posicions de resistencia en a cordelera Cantabrica. Consiguioron asegurar a suya resistencia dimpués d'a batalla de Covadonga. Se creyó un estato cristián, o Reino d'Asturias.

Dimpués d'una guerra civil entre berbers y arabes en l'Al-Andalus un rei d'Asturias avanzó por a Meseta Norte, y no podendo asegurar-ie as suyas posicions se'n retiró ta las suyas posicions inicials trayendo-se muitos cristians que aumentoron a población d'o reino. Os cristians traitos facioron que os cantabros desapareixesen ya de tot como pueblo diferent.

En os sieglos VIII y IX i heba una brillant cort en Oviedo, on i habió una florata d'a cultura artistica orichinal, que puede trobar-se en os manuscritos y edificios conservatos d'ixos tiempos.

Dende o sieglo IX a expansión d'o reino por a Meseta Norte, por l'antiga Gallaecia y por l'alta val de l'Ebro fació que Asturias perdese importancia en o reino, que dende ixe inte se diciba Reino de Leyón. O Reino de Leyón perdió importancia debant de Castiella, (a lo principio un condato d'o mesmo reino), y Asturias chunto con os territorios leyoneses quedoron adhibitos a la Corona de Castiella, pa fer part d'Espanya dende os Reis Catolicos.

A decada de 1930 estió un tiempo de muita conflictividat social en as cuencas meneras asturianas. Franco como menistro d'a guerra en os gubiernos de dreitas d'a Segunda Republica reprimió una revuelta minera que estió preludio d'a guerra civil. En a Guerra Civil buena parte d'Asturias yera a lo principio en a zona roya y resistió sin exito l'avance d'as tropas nacionals sublevatas.

A fins d'o sieglo XX l'asturián yera ya en camín desapareixer. Os medios de comunicación y o sistema educativo ixemenaban o castellán. As cuencas meneras yeran focos d'atracción d'espanyols d'atras rechions. Dende 1978 Asturias ye una comunidat autonoma y a cultura folclorica asturiana ha tenito un empentón con presupuestos oficials: os trahes rechionals en as fiestas, as bandas de gaiters. Bells intelectuals se sensibilizoron por a luenga asturiana y s'han embrecato en a suya defensa. Debant d'esta florata cultural a decada de 1990 ha significato una decadencia de l'actividat minera (produzindo-se muitas prechubilacions) y d'a pesca, y muitos asturians chóvens han habito d'emigrar t'atras rechions.