Arto

Iste articlo ye sobre botanica. Ta o lugar de l'Alto Galligo se veiga Arto (Uesca)

L'arto Rhamnus lycioides

Arto ye o nombre u fitonimo común de bellas especies vechetals de diferents familias y que tienen en común estar arbustos, tener brancas con punchas largas y duras, (u que as mesmas brancas sigan como punchas) u dar a sensación de formar una matullera impenetrable porque te punchas.

Reciben o nombre d'arto sobretot:

• Bellas especies d'o chenero Rhamnus como Rhamnus lycioides, Rhamnus nigra y Rhamnus saxatilis.
• Crataegus monogyna.
• Hippophae rhamnoides.
• Lycium europaeum.
• Pyracantha coccinea.

A vegatas reciben tamién a calificación d'arto atras especies d'a familia d'as rosacias que tienen un nombre vernaclo claro por tener una farcha pareixita:

• L'aranyonera, que ye Prunus spinosa.
• L'abanera, que ye Prunus mahaleb.
• A gabardera, que son un conchunto de microespecies d'o chenero Rosa con Rosa canina como més representativa.

Curiosidatz

Os picapuercos aproveitan as punchas luengas d'os artos pa clavar y guardar os xoriguetz que cazan.