Articlos en l'anglés

De Biquipedia
Ir ta: navego, busca

Os articlos en l'anglés son l'articlo definiu the y os articlos indefinius a, an y some. L'uso de l'articlo definiu implica que qui parla asume que qui lo siente conoixe a identidat d'o referent d'o substantivo (porque ye obvio, porque es de conoixencia común u porque s'ha mencionau en a mesma frase u enantes en una oración. L'uso de l'articlo indefiniu implica que qui parla asume que qui lo siente no tien porque conoixer a identidat d'o referent. En qualques sintagmas nominals no se fa servir l'articlo. Os articlos son un caso especial de determinant en anglés.

L'articlo no se fa servir en anglés pa parlar con substantivos en plural quan se'n parla en cheneral y tampoc pa expresar en plural substantivos incontables.

  • I love annimals ("me fan goyo os animals")
  • Mummies are perhaps the most famous aspect of ancient Egyptian culture ("as momias son talment l'aspecto mes famoso d'a cultura de l'antigo Echipto").

Pero lochicament si os substantivos en plural se refieren a un grupo d'elementos concreto, un grupo conoixiu por o interlocutor, se fa servir l'articlo definiu:

  • I went to the British Museum and I liked the mummies. ("Fui a lo Museu Britanico y me facioron goyo as momias".

Manimenos con os adchectivos indicadors de colectivos u de nacionalidatz si que se fa servir l'articlo definiu the en plural:

  • The day of the dead ("o día d'os muertos").
  • The Aragonese controlled the Ribagorzan pre-Pyrenean plains. ("os aragoneses controloron as planas prepirenencas de Ribagorza").

Con ciertas parolas que van con preposición como bed (to bed, "a la cama"), home (at home, "en casa"), work (at work, "en o treballo") no se fa servir l'articlo, a l'egual que en aragonés quan se nombra "tierra" como substrato a on cayen as cosas y o que se pisa:

  • I go to bed.

Bi ha institucions que se nombran sin articlo: church, college, school, hospital, prison, university, encara que quan se nombra o edificio que fa de seu pa ixas institucions si que se'n fa servir:

L'articlo definiu the en toponimia[editar | editar código]

L'articlo definiu the se fa servir pa referir-se a archipielagos, canals, cordeleras, desiertos y rius:

  • The Ebro river flows into the Mediterranean Sea ("O riu Ebro fluye enta a mar Mediterrania").
  • Many of the plant species in the Canary Islands are endemic ("Muitas d'as especies de plantas en as Islas Canarias son endemicas").

L'articlo definiu the no se fa servir pa referir-se a montanyas y lagos individuals, coincidindo con a omisión de l'articlo con ciertos monts como Cotiella u Moncayo en aragonés:

L'articlo definiu the no se fa servir acompanyando a lugars, ciudatz, estaus, islas, continents y quasi totz os países. Tampoco no se fa servir pa nombrar rechions d'os continents y países si dimpués nombramos o continent u o país:

  • I live in northern Spain ("yo vivo en o norte d'Espanya").

Os países que se nombran con l'articlo the son unions d'uns quantos países (the United Kingdom, The Union of Soviet Socialist Republics), u países que se nombran como republicas (the Republic of Macedonia, the Spanish Republica).

Bibliografía[editar | editar código]


 
Gramatica de l'anglés
Fonetica Accentuación · Fonetica · Fonolochía
Morfolochía Adverbios (Adverbios espacials · Adverbios espacials deicticos · Adverbios de tiempo · Adverbios de modo · Adverbios de cantidat · Adverbios d'afirmación, negación y duda · Locucions adverbials) · Articlos en l'anglés · Chenero · Chenitivo saxón · Conchuncions · Adchectivos · Determinants en l'anglés (Demostrativos · Indefinitos · Numerals cardinals · Numerals ordinals) · Numero Substantivos incontables · Pronombres

· Prefixo · Sufixo · Preposicions · Verbos (Verbos auxiliars · verbos con particla u Phrasal verbs · Verbos introductors · Locucions verbals)

Sintaxi Concordancia · Negación · Sintagma adchectival · Sintagma nominal · Sintagma verbal · Voz pasiva · Oracions condicionals
Lexicolochía Cultismos · Lexico (Arabismos · Castellanismos · Chermanismos · Galicismos · Helenismos · Italianismos) · Semicultismos
Ortografía Normas ortograficas