Arnau de Torroja
De Biquipedia
Arnau de Torroja estió un templer catalán que s'adubió á Gran Mayestre de la suya Orden entre 1180 e 1184.
Contenius |
[editar] Datos presonals
Yera de lo linache de los Torroja, siñors de Solsona. No se conox la calendata de naxetura, pero yera prou biello cuan murió o en 1184 en Verona, e ya teneba més de 70 añatas cuan lo esleyoron Gran Mayestre suzedendo á Eudes de Saint Amand, muerto en cautibidat en Domás. Ya eba serbito á la orden muitos años enantes e eba estato mayestre templero d'Aragón e Probenza.
[editar] Carrera melitar
[editar] Reconquiesta
La suya carrera melitar se desembolicó primero e prenzipalment en la Reconquiesta aragonesa. Atorgó Carta Puebla a Lezinacorba en 1177 á fuero de Zaragoza. No conoxeba la situazión politica de los Estatos Latins d'Orient, pero yera ome curtito en la disziplina e funzionamiento de la suya orden.
[editar] Conflitos con los Espitalers
Lo suyo mayestrato ye marcato por barallas entre templers e espitalers, que iban ganando poder politico. Arnau de Torroja azeutó la meyazión de lo Papa Luzio III e lo rei de Cherusalén Balduín IV pa rematar con ixas barallas fratizidas.
La situazión politica se fazió més difizil en 1184, cuan Renaud de Châtillon saqueyó l'autual Chordania con aduya de bels templers y espitalers. Arnau demostró gran sabieza politica negoziando con Saladín, que yera preparato pa bengar-se d'ixa encursión.
[editar] Embaxata en Europa
Ixe año Arnau de Torroja e lo gran mayestre espitaler fuoron ta Europa pa demandar á los reis e á lo Papa que embiasen una nueba cruzata, que feba falta pa esfensar los Estatos Latins d'Orient, que yeran amenazatos por lo crexient poder de Saladín, que eba achuntato los musulmans locals. En este biache Arnau de Torroja prenió una malautía e murió en Berona, lo 30 de setiembre de 1184.
[editar] Enrastres esternos
| Predezesor: Eudes de Saint Amand |
Gran mayestre de l'Orden d'o Temple 1180 - 1184 |
Suzesor: Cherardo de Richefort |
