Aries

De Biquipedia
Ir ta: navego, busca
Aries
Aries constellation map.svg
Información cheneral
Abreviadura: Ari
Simbolo: Aries.png
Chenitivo: Arietis
Significato: o mardán
Datos astronomicos
Ascensión recta: 3 h
Declinación: 20°
Vistero ta latitutz: entre -60° y +90°
Millor visibilidat: en aviento
Estrelas
con m.a. < 3:
2
Estrela mas luminosa: Hamal (α Ari)
 - Magnitut aparent: 2.0
Plevia de
meteoritos
:
Arietidas de mayo
Arietidas d'agüerro
Arietidas Delta
Arietidas Epsilon
Arietidas diurnas
Aries-Triangulidas
Constelacions
mugants:
Perseu (Perseus)
Trianglo (Triangulum)
Piscis (Pisces)
Ballena (Cetus)
Tauro (Taurus)

Aries (en aragonés o mardán) ye una d'as constelacions d'o zodiaco, situata entre a constelación de Piscis a l'Ueste y a de Tauro a l'Este.

Caracteristicas[editar | editar código]

As estrelas d'Aries no son guaire luminosas, fueras de Hamal (α Arietis) y Sharatan (β Arietis).

Obchectos[editar | editar código]

Os pocos obchectos d'o cielo prefundo d'Aries tampoco no brilan guaire. Abracan as galaxias NGC 697 (á lo Norueste de β), NGC 772 (á lo Sudeste de β), NGC 972 (en l'anglo a lo Norte d'a constelación) y NGC 1156 (á lo Norueste de δ).

Mitolochía[editar | editar código]

Si s'incluyen as estrelas más esmorteixitas, visteras a uello humano, o conchunto se retraye a la capeza d'un mardán.

En a mitolochía griega, s'identificaba con o mardán que portó a os fillos d'Atamán, Frixo y Hele, ta la Colquida, fuyindo asinas d'a suya madrastra Ino. Ele cayó en o mar que más tardi levaría o suyo nombre, Mar d'Hele u Helesponto. Malas que i plegó en un puesto ya seguro, Frixo sacrificó lo mardán y en pinchó lo pellón en una carrasca d'a selva d'Ares, an se tornó d'oro, estando dimpués a razón d'o viache de Chasón y os argonautas. Pareix que as antigas civilizacions de Babilonia, Grecia, Persia y Echipto s'encertoron en dar a ista constelación o nombre d'un mardán.

L'aria d'o cielo que abraca la constelación d'Aries, con parti d'as de Piscis, as Crapetas y Andromeda, podrían estar l'orichen d'o mito d'o cinturón d'Hipolita, que ye parti d'os dotze treballos d'Heracles.

Astrolochía[editar | editar código]

Representazión medieval d'Aries

En l'astrolochía occidental, o signo d'Aries (21 de marzo-19 d'abril) ye asociato con o elemento d'o fuego; ye, pues, un d'os tres signos de fuego, chunto con Sachitario y Leo. En Aries tien o suyo domicilio Marte y a suya exaltación o Sol. Ye un d'os quatre signos cardinals, chunto con Libra, Capricornio y Cáncer. O suyo oposato ye Libra. D'entre as partis d'o cuerpo, Aries gubierna la capeza.

As qualidatz que os astrologos acostumbran a acumular-li son os d'un carácter emprendedor, empulsivo, optimista y apasionato, devez que autoritario, muito atrevito, inchenuo y egocentrico.

Aries en fuents aragonesas[editar | editar código]

En o "Libro d'o Trasoro" dicen:

El primer signo yes Aries, en do el sol entra catorze dias a la
E por aquesto conuiene esto que quando el sol [...] se leuanta e gita, segunt lo que Aries fa; e en asi lieua Aries la ...
Razón como: si el sol yes entrado agora en la cabeça de Aries
de la primera hora; mas quando es corrido al medio logar de Aries, la ora es la..
et sabet que al primer dia del sieglo entra el sol en el primer signo, yes a saber, Aries, e aquesto fue a xiiij. dias andados del mes de março, e asi faze el encara