Arbutus unedo

De Biquipedia
Ir ta: navego, busca
Alborcera
Arbutusunedo01.jpg
Arbutus unedo
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Ericales
Familia: Ericaceae
Chenero: 'Arbutus'
Especie: ''A. unedo''
Nombre binomial
Arbutus unedo

L'alborcera (Arbutus unedo), tamién dita modrollera u arbetón, ye un arbusto u arbolet de fuella perén d'a familia d'as ericacias.

Caracteristicas[editar | editar código]

Creix dica una altaria d'uns 5 a 10 m, rarament dica 15 m. O trallo ye royisco, con crepazas, podendo plegar ta os 80 cm, y la corona ye pompuda y redondiata. As fuellas son brilants, de coda curta, d'un verde escuro, con una largaria de 5 a 10 cm y una amplaria de 2 a 3 cm, y tienen os cantos sarratos. As flors son blancas, rara vez d'un rosato clarizo, acampanatas, con un diametro de 4 a 6 mm.

O fruito ye l'alborza, un lulo amarillenco en primeras y bien royo dimpués, d'1 a 4 cm de diametro, de toque aspro, que matura a l'anyo, ta quan l'alborcera torna a tener florata. As simients se troban en metat d'o lulo y son chiquetas y de color parda.

Habitat[editar | editar código]

L'alborcera ye espardita per a rechión mediterrania y per a costa atlantica de l'ueste d'Europa. O suyo habitat natural ye en maticals, costeras, penyons, ecetra.

Usos[editar | editar código]

Alborzas

As alborzas puede minchar-sen; son una mica dulces, anque a suya sabor ye más bien xasca y granosa. (O vocable latín unedo significa en mincho un).

Tamién pueden fermentar-sen ta quitar-ne bebitas alcolicas.

A crosta s'ha emplegato en medicina natural como diuretico.

Chardinería[editar | editar código]

L'alborcera ye un arbolet que se veye a ormino en bells parques y chardins per o colorito d'os lulos suyos.

Tolera millor os puestos an fa una mica de calor, ya que son prou sensibles a las chelatas.

Curiosidatz[editar | editar código]

Commons-logo.svg
Se veigan as imáchens de Commons sobre l'alborcera.

En o escudo d'a villa de Madrit, i feguran una alborcera y una onsa que se refirma sobre o tronco.