Aragosaurus

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Aragosaurus

Estato de conservación

Extinguito de tiempos prehistoricos.
Reino: Animalia
Filo: Chordata
Clase: Reptilia
Aragosaurus ischiaticus
Sanz, 1987

L'Aragosauro (u en o suyo nombre cientifico Aragosaurus, "Engardaixo d'Aragón") ye un chenero de dinosauro sauropodo macronario que vivió a primers d'o periodo cretacio (fa 136 millons d'anyos) en o que huei ye o Sistema Iberico.[1] Ye representato por una sola especie l'Aragosaurus ischiaticus descrito en l'anyo 1987 por José Luis Sanz y o suyo equipo con material fósil trobato en Galv (provincia de Teruel).

L'aragosauro yera un gran dinosauro cuadrupedo de 18 metros de largaria con un largo cuello, una coda larga y fuerte y un tozuelo chicot, os suyos dients yeran grans y plans adaptatos ta a suya alimentación herbivora.

Os suyos restos pueden veyer-se en o Museu Paleontolochico de Galve, a on bi ha gran parti d'os restos d'o suyo escleto procedents d'a colección particular de José María Herrero. Istos restos fuoron estudiatos por Sanz ta la descripción de la especie.[2] Tamién bi ha restos en Dinópolis procedents d'o Museu Provincial de Teruel, a mas a mas s'ha trobau una vertebra en Istria[3] (Croacia) que puet estar parti d'un Aragosauro.[4]

Referencias[editar | modificar o codigo]

  1. http://www.xatakaciencia.com/paleontologia/el-aragosaurus-mas-joven-de-lo-que-se-pensaba
  2. (es) Museu Palenteolochico de Galve.
  3. (en) Dalla Vecchia, F: Remains of Sauropoda (Reptilia, Saurischia) in the Lower Cretaceous Upper Hauterivian/Lower Barremian) limestones of SW Istria (Croatia). Geologia Croatica, 1998 nº 51(2), 105-134.
  4. José Ignacio Ruiz-Omeñaca, Los Dinosurios Saurópodos

Vinclos externos[editar | modificar o codigo]

L'articlo 30.000 Iste ye l'articlo numero 30.000 de Biquipedia.