Aragonés occidental

Aragonés Occidental
Variedat de l'aragonés
Localización cheografica
Territorios	Vals occidentals pirenencas
Lugar(s) principal(s)	Echo, Ansó, Chaca, Samianigo
Literatura
Escritors principals	Domingo Miral, Rosario Ustáriz, Emilio Gastón, Chusé Gracia

L'aragonés occidental ye l'aragonés que se charra en bellas vals occidentals y en o Prepireneu y Depresión Meya Pirenenca a o sud d'estas vals. En un sentito amplo (y sin parar quenta en a propuesta de clasificación d'as parlas altoaragonesas en quatre brancas), l'aragonés occidental tamién comprendería l'aragonés d'a cuenca d'o Galligo, (o tensino con o pandicuto, l'aragonés d'a Tierra de Biescas, l'aragonés de Sobrepuerto y l'aragonés d'o Sarrablo),

Fonetica

• Sonorización d'as oclusivas xordas intervocalicas latinas, con casos de conservación como gramito, espata y raposa, que no tienen por qué estar chenerals y que pueden presentar continación territorial en l'gascón pirenenco.
• Quasi no quedan casos de sonorización dezaga liquida, como en chungo.
• Por o suyo aislamiento més gran l'ansotán y l'cheso conservan millor que as atras parlas occidentals variants foneticas arcaicas como sartana u diferents de l'aragonés cheneral como arreguir (reyir en chaqués y atras variants).

Morfolochia

• Participios en -au, -iu.
• Pronomes plurals de 1º y 2º presona nos y bos igual que en aragonés meyeval.
• Pronombre presonal de dativo li, lis.
• Se conserva a particla pronominoadverbial de locativo, y alza a -b- latina: IBI > bi
• A morfolochia aragonesa se conserva bien en especial en Ansó y Echo.

Lexico

Trobamos palabras diferents de las d'as vals orientals y que gosan plegar dica Tena, Biescas y Guarguera.

Almadía, Calderizo, Cornizas, fablar, Fraxín, Melón, Milloca, Paxaro, Toballa.

Variedatz

• Ansotano
• Cheso
• Aragüesino
• Aisino
• Chaqués

Bibliografía

• Francho Chabier Nagore Laín. El Aragonés Hoy. Ibercaja y Consello d'a Fabla Aragonesa, 1989.
• Anchel Conte et al. El aragonés identidad y problemática de una lengua. Colección Aragón. Librería general.
• Chabier Tomás Arias. El aragonés del "biello Sobrarbe. Instituto de Estudios Altoaragoneses, 1999. ISBN 84-8127-095-4