Aragonés de Sierra Ferrera

Aragonés de Sierra Ferrera
Variedat de l'aragonés
Localización cheografica
Territorios	En Baixo Penyas, lugars situatos di chos as penyas de Sierra Ferrera como Penya Montanyesa.
Lugar(s) principal(s)	A Espunya, O Casal, Ceresa, Socastiello, Araguás, Os Molins, A Muera, Oncins, San Lorient, Torrelisa, A Caixigosa, Sanr Beturián, O Pueyo d'Araguás
Sociolochía
Vitalidat	Meya-Baixa

L'aragonés de Sierra Ferrera u Baixo Penyas ye a parla local aragonesa d'os municipios de A Espunya y O Pueyo d'Araguás. Probablement l'aragonés de Belsierre, Puyarruego y Escalona que son a man d'A Espunya se puedan clasificar n'este conchunto u sigan una transición ta l'aragonés d'a valle de Puértolas.

Fonetica

En a toponimia bi ha casos de diftongo -ia- en cuenta de -ie- como ye actualment:

• A Siarra (en A Espunya), Casa Torruzuala (en Oncins), Zorrutuacha, Capaniacha.

As oclusivas xordas intervocalica latinas se conservan en as parabras crepa, ripa, potrecón, ripazo, sapia, forato, cazata, baranato y batallo.

Se conservan millor en a toponimia:

• O Foricón, Sarrato Batalla, Coma d'o Sarrato, Canal Betiquera, Barranco Mallata, Barranco Vetato, Sarrato Plano, etz...

Como ye normal en l'Alto Aragón Oriental, a -x- puet ir acompanyata d'una i:

• faixa, freixe, caixigo, baixar.

Como en chistabín y belsetán, a -x- en posición inizial puet desembolicar una i- inicial:

• ixolifrar, ixordiga, ixalamandrons, ixorellar, ixarbotar.

A chent més chóven ya no emplega a -x- en bellas parabras como baixar y las prenuncian con -j-.

Bi ha bells casos de perduga de -o final:

• camín, focín, gallín, robín, volturín, celemín, y os toponimos Os Molins, Oncins.

Se documenta bella evolución fonetica d'os grupos -DE-, -TY- coincidents con o galorromanz y que son propias de l'aragonés oriental u centro-oriental como peu.

En a toponimia bi ha casos d'evolución d'a -LL- latina ta -ch- como en tensino:

• Zorrutuacha y O Estacho (en a versant norte de Sierra Ferrera), Capaniacha (en Sant Veturián), Barranco Paliecho (en A Espunya), Barranco Baches (en O Casal).

Morfolochía

Os articlos definitos son os de l'aragonés cheneral: o, os, a, as sin de variants postvocalicas.

Formación d'o femenín anyadindo -era en parabras rematatas en -or:

• charrador, charradera.

A particla pronominoadverbial i/ie ya no ye productiva en A Espunya pero se conserva bien en atros lugars.

Morfolochía verbal

A desinencia verbal -z d'as segundas presonas plurals va perdendo-se en A Espunya, como en atros lugars d'o Sobrarbe, pero se conserva bien en as aldeyas.

En Ceresa, A Mula y Oncins bi ha como en chistabín primeras presonas en -ebe, -ibe en os imperfectos.

Los pasatos perfectos simples son sinteticos y no perifrasticos.

Los imperfectos de subchuntivo son en -ase, -ese, -ise sin perdiga de vocal final en a tercera presona singular, como s'ha rechistrato en Belsetán y Aragonés d'a Valle de Vio.

Bi ha verbos irregulars con formas en -ga en o subchuntivo:

• bulga y muelga, d'os verbos bullir y moler.

Referencias

Blas Gabarda, F. y Romanos Hernando, F.; EL ARAGONÉS DE BAIXO PEÑAS. 2005, Gara Edizions.