Aragonés d'a valle de Puértolas

Aragonés d'a valle de Puértolas
Variedat de l'aragonés
Localización cheografica
Territorios	Valle de Puértolas
Lugar(s) principal(s)	Puértolas, Bestuer, Santa María y Santa Chusta
Sociolochía
Vitalidat	Meya-Baixa

L' Aragonés de Valle de Puértolas ye la parla aragonesa que se charra en a val de Puértolas.

Fonetica

Como en belsetán, bi ha una -e dezaga de grupos consonanticos implosivos: cuatre.

En Bestuer i heba enantes una -e paragochica como en chistabín de Chistén y se deciba Bestuere.

Conserva bien o fonema -x- y, como en l'Alto Aragón oriental, ixa -x- va acompanyata d'una -i:

Bi ha bells casos de perduga de -o final, y no nomás que dezaga -n como ye habitual en altras parlas, si que como se fa en chistabín y belsetán, tamién zaga de -c y -l:

• Suc, camín, follín, lamín, cul, pel, truc. Buc i coexiste con «buco».

Tamién zaga de -y-:

• Papirroi, galterroi, respitai, me feba goi.

E tamién zaga de -ll:

• Castiel, ocasional en chunto con «castiello». Gotiel (o güitiello con a fuella ampla d'os carnicers) que deriva de güitiello.

Bi ha casos de conservación d'as oclusivas xordas intervocalicas latinas:

• baranato (documentato por Elcock).

Morfolochía

L'articlo ye o, os, a, as, pero como tamién pasa per a valle de Vio y la de Tella, se i emplega «es» tamién, ta's masculinos plurals.

En as combinacions de pronombres febles de dativo y acusativo ye documentato l'orden propio de l'aragonés de valle de Vio, cheso y bells textos meyevals coincident con l'occitán:

• as me dejón fer (Bestuer)

Morfolochía verbal

As primeras presonas d'os pasatos imperfectos d'indicativo rematan en -abe, -ebe, -ibe:

• puyabe, metebe, ubribe.

Seguntes un testimonio dudoso replegato por Francho Nagore, en Castiflorit i decumentó un condicional en -areba, -ereba, -iriba, que emplegaban uns pastors transuants que dimanaban d'esta val.