Apfelstrudel
| Apfelstrudel |
||
|---|---|---|
 Apfelstrudel de fullatre |
||
|
|
||
| Cocina: | Gastronomía austriaca Gastronomía alemana |
|
| Orichen: |  Austria.svg){kind=small} Bavera |
|
| Se mincha en: | Centro-europa | |
| Categoría: | Tarta | |
|
|
||
| Ingredients: | Fullatre, manzana, zucre, canela, ugas pasas y pan rallato | |
Apfeltrudel (en baverán Opfestrudl, en alemán vienés Åpfeschtrudl) ye un postre tradicional d'a cocina bavara y austriaca. Os orichens d'iste postre podrían trobar-se en a gastronomía bizantina, armenia u turca.
Contenius |
Historia [editar]
O Apfelstrudel se feba servir d'antis mas como alimento ta a chent mas humilde. Os precedents d'iste pastel se troban, probablement, en l'arabe y armenio baklava. A receta podió haber arribato con os soldatos cazares d'o Imperio otomán que, dimpués d'a conquista de Bizancio en l'anyo 1453 s'enfiloron a traviés d'os Balcans cara ta Viena. A cocina vienesa adoptó iste plato y lo perfeccionó dica convertir-se en o que conoixemos hue en día. O exito d'iste postre fació que dimpués a suya receta se tornase popular en totz os países de l'antigo Imperio austro-hongaro.
Ingredients [editar]
O pastel ye un rollo de fullatre pleno de compota de manzana, zucre, canela, ugas pasas y pan rallato que una vegata feito se cocina en o furno. Atros ingredients encluyen pinyons, nueces u almendras. L'arte d'a suya elaboración ye fer a pasta d'o fullatre o mas fina y elastica posible. Os mayestros pasteleros austriacos y alemans dicen que ta que iste postre sia en o suyo punto chusto, habría de poder-se leyer un periodico a traviés d'ell.
Ta cocinar o Apfelstrudel, s'han de trigar bien as manzanas ta que tiengan un buen aroma, una textura agradable de compota y o o paladar un "toque" licherament aceto.
Modo de servir [editar]
S'ha de servir recient feito y encara calient, por un regular con bella cosa de zucre glas espolvoreato por dencima. Normalment se sirve con una salsa dulce de crema aromatizata con vainilla calient; ista salsa se sirve en cuencos de porcelana chunto a o Strudel y ye habitual que en as cafeterías y restaurants austriacos y alemans s'acompanye de chelato de vainilla.
Bibliografía [editar]
- "Apfelstrudel bis Zanderfilet". JORGENS, Viktor. Deutscher Aerzte-Verlag G, 2003, 128 p. ISBN 3-7691-7086-5de la mercredi
Vinclos externos [editar]
- (en) Receta ta fer un correcto Apfelstrudel
- (en) Apfelstrudel y atras recetas austriacas: visit-salzburg.net
- (de) Apple Strudel Recipe Instruccions paso a paso con fotografías por Austrian chef Bernhard
- (en) Cooking recipe with photo from Austrian cooks
