Apatito

De Biquipedia
Ir ta: navego, busca
Apatito
Cristals d'apatito
Caracteristicas chenerals
Categoría: fostatos
Clase: 8.BN.05 (Strunz)
Formula quimica: Ca5(PO4)3(F,Cl,OH)
Propiedatz fisicas
Color: variable, asobén verdenco
Lustre: vitrio u subresinoso.
Sistema cristalín: hexagonal
Habito: tabular, prismatico, masivo, compacto u granular
Trencadura: concoidea
Dureza: 5
Densidat: 3,16-3,22

L'apatito ye un mineral con formula quimica Ca5(PO4)3(F,Cl,OH), por o que puet considerar-se un grupo de minerals con series isomorfas adintro d'os fostatos: Hidroxilapatito, Fluoapatito y Clorapatito. L'apatito presenta una dureza que define a posición 5 en a escala de Mohs.

L'apatito ye un mineral accesorio en as rocas graniticas, presenta a suya mayor abundancia en as rocas fosfatatas y se fa servir como fertilizant

O Hidroxilapatito ye present os vertebratos en a part mineral d'os uesos y en o esmalt d'os dients. Ye present en pocos atros filums d'animals como os braquiopodos.

Chacimientos en Aragón[editar | editar código]

Por a suya presencia como mineral accesorio en qualques rocas se puet considerar que ye abundant a ran microscopico, y efectivament se documenta como mineral accesorio en os porfidos quarcifers d'a Sierra d'Albarrazín a man de Noguera d'Albarrazín. Cristals verdes d'habito prismatico en trobamos en l'Aneto chunto con turmalina. Tamién bi ha apatito accesorio en as ofitas u doleritas d'Aulet.

En Santa Cruz de Nogueras bi ha apatito de color negro en nodulos de roca fostata que bi ha en as calsineras d'a redolada chunto a menas de plomo.

Bibliografía[editar | editar código]