Aparello

De Biquipedia
Ir ta: navego, busca
Caballo aparellau (con aparello).

Os aparellos (ditos en conchunto aparellada), son chenericament todas as correyas, cinglas, colleras, cadenas, estiraderas y altras piezas que s'amontan de conchunta a l'alto d'es equinos de labor u abríos (caballos, pollins u machos) ta mantenir-los enganchatos ta es carros u altros móvils.

Bi'n ha, d'aparellos, ta un solo animal u ta més d'uno. As suyas formas son variants pendendo d'o país u rechión aon se troben. Per eixemplo, en o Pireneu aragonés gosaban emplegar-se bells modelos mui ornamentatos ta estirar carrozas nupcials (aintro d'a tradición local de portar a novia t'a ilesia con bella suerte d'abrío), con siellas adornatas con debuixos y gravatos. Entre es abríos aragoneses, mesmo es de treballar, no yera guaire cutiano que s'usás garra collera como si que s'heba feito tradicionalment en muitos puestos d'Europa, si que en cuenta d'ixo se ficaba una crucera de correyas a modo de tirants que iban a unir-se t'a estiradera baixa de l'aparello.

Aparellos d'estirar ta quantos caballos.