Antonio Machado

De Biquipedia
Ir ta: navego, busca
Antonio Machado
El poeta Antonio Machado
El poeta Antonio Machado
Información personal
Calendata de naixencia: 26 de chulio de 1875
Puesto de naixencia: Bandera de Andalucía.svg Sevilla (Sevilla, Andalucía)
Calendata de muerte: 22 de febrero de 1939
Puesto de muerte: Flag of Catalonia.svg Cotlliure (Catalunya d'o Norte)
Ocupación: Escritor y poeta
Conchuche: Leonor Izquierdo (1909-1912)

Antonio Cipriano José María y Francisco de Santa Ana Machado Ruiz, conoixito como Antonio Machado, naixito de Sevilla (Andalucía) o 26 de chulio de 1875 y muerto en o exilio en Cotlliure (departamento francés de Pireneus Orientals, en a comarca catalana de Catalunya d'o Norte) o 22 de febrero de 1939, estió un escritor y poeta espanyol, considerato uno d'os millors poetas d'a Literatura espanyola y d'a Literatura en castellán.

Machado puet considerar-se como un escritor d'o Mudernismo, encara que tamién como un representant, por a tematica de parte d'a suya obra, centrada en os problemas d'Espanya, como miembro d'a clamata Cheneración d'o 98.

Antecedents familiars[editar | editar código]

Machado naixió de Sevilla, en Andalucía, o 26 de chulio de 1875, en una familia ilustrata d'a burguesía sevillana d'ideyolochía liberal. O suyo pai, Antonio Machado Álvarez, yera etnologo, con publicacions sobre o folklore andaluz y o folklore gallego, y o suyo güelo, Antonio Machado Núñez, yera profesor de Sciencias Naturals, medico, cheografo y zoologo. O suyo pai yera amigo de recheracionistas como Joaquín Costa u Francisco Giner de los Ríos.

Estudeyos[editar | editar código]

Encara que de nino estudeó en Sevilla, quan en 1883 nombroron a o suyo pai profesor d'a Universidat Central de Madrit, a familia se treslladó ta ista ciudat, y o choven Machado estudeó en a Institución Libre de Enseñanza fundata por Francisco Giner de los Ríos. Sindembargo, Antonio Machado interrumpió os suyos estudeyos por a malautia y a muerte d'o suyo pai en 1893 por tuberculosis, por os problemas economicos familiars.

Vinclos externos[editar | editar código]