Anti-Flag

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Anti-Flag
Nombre {{{Nombre_de_naiximiento}}}
Embotada {{{Alias}}}
Naixió {{{Naiximiento}}}
Murió {{{Muerte}}}
Información musical
Orichen Pittsburgh, Pennsilvania, Estaus Unius
Estilo Punk politico, Street punk, Hardcore punk
Ocupancia {{{Ocupancia}}}
Instrumentos {{{Instrumento}}}
Tiempo 19881989
1993 – present
Discograficas New Red Archives, Go Kart Records, A-F Records, Fat Wreck Chords, RCA Records, SideOneDummy
Relacionau con NOFX
The Bad Genes
Bouncing Souls
The Unseen
Whatever It Takes
Pachina web anti-flag.com
Miembros
Justin Sane
Chris Barker
Chris Head
Pat Thetic
Atros miembros
Andy Flag
Lucy Fester
Sean Whelan
Jamie Cock

Anti-Flag ye una colla de punk rock estausunidense de Pittsburgh, Pennsilvania, formata en 1988. A tamas d'os modestos orichens d'o grupo y d'un gran catalogo d'albums en sellos independients, o grupo tien gran fama, habendo actuato en os cinco continents y en l'actualidad tien contracto con una multinacional discografica. A formación d'o grupo se compone d'o cantaire y guitarrista Justin Sane y o batería Pat Thetic, miembros fundadors; o guitarrista Chris Head, y o cantaire y baixista Chris Barker qui reemplazó a Jamie "Cock" Towns, que ya heba substituyir a Andy Flag, baixista orichinal d'o grupo, en 1997.

O grupo ye conoixiu por as suyas parolas politicas y as suyas ideyas d'ezquierdas, asinas como por por refirmar grupos politicos d'acción progresistas como Greenpeace y Amnistía Internacional. Son a favor d'os Dreitos Animals refirmando o PETA y toz os components d'o grupo son vechetarians. Muitas d'as suyas cancions se centran en l'antimilitarismo, criticas a la politica exterior d'os Estaus Unius, o corporativismo, a distribución d'a riqueza en Estaus Unius y atros asuntos sociopoliticos. Mas recientment o grupo ha centrato as suyas criticas en o "Troubled Assets Relief Program" (en aragonés "Programa de Recuperación d'Activos en Problemas"), un programa d'o gubierno d'os Estaus Unius t'aduyar en a crisis a o sistema financiero y en o que s'han desviato grans cantidaz de diners ta salvar a os bancos nacionals.[1]

Historia[editar | modificar o codigo]

Primers anyos (1988–1995)[editar | modificar o codigo]

Anti-Flag la establioron en 1988 o cantaire/guitarrista Justin Sane y o batería Pat Thetic. Mientres os primers anyos d'o grupo bi habió cuantos guitarristas y baixistas diferents, encluyindo a chirmana de Justin, Lucy Fester (Lucy Geever-Conroy). O grupo no s'heba puesto consolidar dimpués d'haber feito solo que una actuación en os zaguers anyos.[2] En 1993, Justin y Pat deciden reformar o grupo, ya con Andy Flag en o baixo.

Primers tres álbums (1996–1999)[editar | modificar o codigo]

En 1996, o grupo quitó o suyo primer álbum, Die For the Government, con a discografica New Red Archives. Andy Flag deixó o grupo en verano de 1996 debito a disputas personals entre él y Justin. Por un curto periodo de tiempo dimpués d'a salita d'Andy en 1996, Sean Whelan d'o grupo de Pittsburgh "Bad Genes" tanyó o baixo. Por ixas envueltas Sean tanyeba tamién en atro grupo (57 Defective) con o guitarrista Chris Head, a qui presentó a os miembros d'Anti-Flag.

En primerías de 1997, o guitarrista de Pittsburgh Chris Head prencipió a tanyer o baixo. En os zaguers meses de 1997, Jamie Cock se convirtió en o nuevo baixista, tresladando-se Chris Head a la segundo guitarra, instrumento que s'estimaba mas de tanyer. L'actual formación se completó en 1999 cuan Chris Barker, tamién dito Chris #2, reemplazó a Jamie Cock en o baixo.

En 1998, o grupo quitó o segundo álbum, Their System Doesn't Work For You. L'álbum teneba nueu cancions escritas por Anti-Flag en o suyo álbum North America Sucks de 1996 chunto con o grupo d.b.s., asinas como 10 nuevas cancions. O grupo decidió quitar l'álbum independientment, y Their System Doesn't Work For You se convirtió asinas en l'álbum debut d'a discográfica A-F Records, establita por o propio grupo.

En 1999 amaneixió l'album A New Kind of Army con a discografica Go-Kart Records/A-F Records. En iste treballo se toca una ampla variedat de temas como a corrupción politica, o racismo, o fascismo, a choventut problematica, a violencia policial, y a unidat d'a choventut americana. A portalada d'o disco podeba desplegar-se en un poster a on que se leyeba a frase "Too smart to fight. Too smart to kill. Join now. A new kind of army" (en aragonés "Masiau intelichent ta luitar. Masiau intelichent ta matar. Une-te. Una nueva mena d'eixercito"). Amás d'isto, metió una mazada en a contraportalada de l'álbum que deciba "Anti-Flag does not mean Anti-American. Anti-Flag means anti-war. Anti-Flag means unity" (en aragonés "Anti-Flag no significa Anti-America. Anti-Flag significa anti-guerra. Anti-Flag significa unidat").

Fat Wreck Chords (2000–2004)[editar | modificar o codigo]

En 2000, Anti-Flag fue convidato a fer parti d'o Vans Warped Tour. En iste periodo de tiempo, os miembros d'Anti-Flag conoixioron a Fat Mike de NOFX, propietario d'a discografica Fat Wreck Chords. Gracias a ista buena relación d'amistad Anti-Flag quitó dos álbums con a discografica.

O líder d'o grupo Justin Sane en o Warped Tour 2006.

En 2001, Anti-Flag s'asoció con o productor de musica punk Mass Giorgini ta gravar l'álbum Underground Network, que amaneixió con a discografica Fat Wreck Chords. Iste trballo marca o punto d'inflexión d'o grupo dende un hardcore punk underground a un estilo mas personal. L'álbum continó con temas en a mesma tematica contra o faixismo (en iste caso mas que mas contra a infiltración de neo-nazis en a "escena hardcore") y conta a politica exterior d'os Estaus Unius. Estió o suyo primer álbum que encluyiba un libret con ensayos comentatos por historiadors y politicos, destacando-ie o Profesor Howard Zinn.

En febrero de 2002, Anti-Flag quitó l'álbum Mobilize con A-F Records. O disco encluyiba nuevas cancions y ueito cancions d'atros álbums en directo. En o días siguients a os ataques terroristas de l'11 de septiembre sobre os Estaus Unius, Anti-Flag se manifesto publicament en contra d'a propuesta de guerra feita por o gubierno d'os Estaus Unius. Mientres iste periodo, muitas botigas sacororn os discos Anti-Flag d'as suyas estanterías, y a suya musica fue definita como "anti-American."[3] En 2003, Anti-Flag quitó l'álbum The Terror State en Fat Wreck Chords. L'álbum se centró mas que mas en criticar a l'administración Bush y a suya "Guerra conta o terrorismo". Atra vegata, o libret de l'álbum yera pleno de ensayos escritos por a propia banda y por diferents politicos. La canción cualas parolas fuoron orichinalment escritas por Woody Guthrie titulata "Post-War Breakout." A musica d'a canción fue apanyata por os miembros d'Anti-Flag, ya que Guthrie no heba escrito musica ta as suyas parolas.

O baixista Chris Barker.

O 8 d'octubre de 2004, Jim McDermott d'a Cambra de Representants d'os Estaus Unius fació una charrada en a que emponderaba a Anti-Flag por o suyo treballo empentando a la chent choven a rechistrar-se y votar.[4]

RCA (2005–2009)[editar | modificar o codigo]

En 2005, Anti-Flag sinyó un contracto ta a gravación de dos discos con a important discografica RCA. O primero d'istos dos álbums, For Blood and Empire, amaneixió o 21 de marzo de 2006. O prencipal tema de l'álbum yera a critica d'o grupo a la Guerra contra o terrorismo feita por o gubierno d'os Estaus Unius. A canción This Is The End (For You My Friend) de l'álbum For Blood and Empire amaneixió en os videochuegos Madden NFL 2007 y NHL 07. Rematoron a macrochira por os Estaus Unius "War Sucks, Let's Party" en abril y prencipioron a treballar en bels prochectos paralelos como l'African Well Fund (ONG adedicata a la constucción de pozos d'augua en Africa) y Start to Finish MS (organización que luita contra a esclerosi multiple).

A o largo d'a carrera musical d'Anti-Flag, muitos atros grupos han gravato discos con a propia discografica d'o grupo, A-F Records. Entre istas collas s'encluyen The Code, Pipedown, Much the Same, The Vacancy, The Unseen, Modey Lemon y muitas mas.

O 25 de noviembre, Anti-Flag reveló en a suya pachina web que o títol d'o nuevo disco sería The Bright Lights of America. Producito por Tony Visconti (productor de David Bowie u Morrissey entre atros), amaneixió l'1 d'abril de 2008. O single "The Bright Lights Of America" salió nomás en iTunes o 12 de febrero de 2008. Un video d'a canción amaneixión un par de semanas dimpués.

En 2008, mientres una chira por Europa con o grupo canadiense Billy Talent, Justin Sane y Chris#2 s'unioron a o cantaire de Billy Talent Ben Kowalewicz y o guitarrista Ian D'Sa, ta fer una nueva canción "Turn Your Back" que amaneiría en o suyo siguient álbum. Os dos cantoton tamién en a versión single d'a canción.

En marzo de 2009, Anti-Flag habió de cancelar una serie de conciertos d'a suya chira dimpués que Justin Sane se crebase a claviella en Norwich, dimpués de cayer mal en blincar dende o escenario ta mirar d'aturar una baralla que s'heba formato en o publico.[5]

SideOneDummy (2009-present)[editar | modificar o codigo]

Justin Sane en Viena

Dende o 30 de septiembre de 2008, Chris#2 prencipió a escribir en o suyo blog, nowarwithoutwarriors.blogspot.com,[6] mientres que o grupo prencipiaba a treballar en o suyo seteno álbum d'estudio. On 2 d'aviento, Anti-Flag prencipió con a gravación d'o disco, concretament con a canción "The Economy is Suffering... Let It Die".

O día 31 de marzo de 2009, Anti-Flag anunció que o siguient CD, The People or the Gun, saldría a la carrera d'a man de SideOneDummy o 9 de chunio de 2009. Antis d'ista calendata ya se podío ascuitar en Anti-Flag.com, a primera canción de l'álbum "Sodom, Gomorrah, and Washington DC (Sheep in Shepherd's Clothing)". L'1 de mayo de 2009, o grupo fació un concierto especial de covers de The Clash en Hoodwink, East Rutherford, Nueva Jersey.[7]

En septiembre de 2009, Anti-Flag organizó un concierto con motivo d'as protestas contra o G-20 que se yeran producindo en a suya propia ciudat, Pittsburgh, seu d'ista reunión internacional, pero os promotors decidioron cancelar o concierto debito a las duras restriccions de aparcamiento y a la presencia policial en os arredols d'o estadio. Manimenos o grupo continó personalment fendo parti parti en as protestas.

En noviembre de 2009, Anti-Flag refirmó as protestestas estudiantils en Viena. Facioron una charrada en l'edificio prencipal d'a Universidat de Viena en a que os universitarios facioron parti y amás bel representant d'os estudiants charroron en os dos conciertos que bi habió en Viena.

En chinero de 2010, Anti-Flag fació una chira por toz os Estaus Unius chunto con Aiden y Cancer Bats y con cuantas collas locals actuando como teloners en os diferents conciertos. A chira fue esponsorizata por Amnistía Internacional, Peta 2, Greenpeace y Innes Clothing (Que refirma a donación de prendas ta personas sin casa y albergues chovenils.). Dimpués tamién facioron parti de l'Australian Soundwave festival en febrero con collas como AFI, Paramore, Escape the Fate, A Day to Remember, HIM y muitas atras.

Activismo[editar | modificar o codigo]

O guitarrista, Chris Head

Anti-Flag ha estau embrecata en l'activismo mientres toda a suya carrera musical. Encluyendo a creyación de cuantos grupos activistas como The Underground Action Alliance,[8] Military Free Zone[9] (Un grupo de protesta contra una clausula en No Child Left Behind Act (en aragonés "Lei dengún nino entazaga"), que permite a os militars tener acceso a os archivos personals de toz os estudiants) y The Bright Lights[10]

A mas tamién han feito parti de muitos conciertos de protesta, encluyindo dos emparando y refirmando a Rage Against The Machine.

A protesta mas recient d'a que han feito parti estió en a Convención Nacional Republicana de 2008,[11] en a que s'asperaba que fuesen o zaguer grupo en tanyer, pero heban estau de chira con Rage Against The Machine y decicioron que tamién podrían fer parti d'o concierto ya que teneban una luenga historia de participación en eventos relacionatos. Cuan os organizadors paroron cuenta curtaron a escape a corrient electrica en o escenario, por lo que o grupo habió de tanyer dos cancions emplegando megafonos.

Regularment han refirmato organizacions politicas encluyindo:

  • Democracy Now!, amaneixindo os suyos zaguers titulars en a pachina oficial d'o grupo.[12]
  • PETA, estando un d'os patrocinadors d'a chira The Economy Sucks Let's Party 2010.
  • Amnistía Internacional, a la que o grupo donó os diners d'a venda de The People and the Gun y que tamién estió organización patrocinadora d'a chira The Economy Sucks Let's Party en 2010.
  • Greenpeace, organización con a que o grupo ha treballato ta mirar de persuadir a os liders mundials a asistir a la conferencia sobre o cambio climatico en Copenhagen. Tamién estió patrocinadera d'a chira The Economy Sucks Let's Party.

Símbolos[editar | modificar o codigo]

A Gun Star (en aragonés "Estrela de pistolas") ye o simbolo d'o grupo Anti-Flag, disenyato por o guitarrista d'Anti-Flag Chris Head. S'emplegó por primera vegata en a portalada de l'álbum Mobilize. Dimpués s'ha feito servir tamién en o suyo merchandise. O logo ye composato de bels rifles M16 crebatos formando una estrela. No ye raro que os fans d'Anti-Flag se faigan tatuaches con a "Gun Star". D'atra man, tamién emplegoron os simbolos O & X superpuestos en o LP Die for the Government.

criticas[editar | modificar o codigo]

A decisión d'Anti-Flag de sinyar un contracto con a discografica RCA estió una important fuent de criticas enta o grupo, mas que mas por os suyos fans, ya que RCA ye propiedat de Sony BMG.

En una entrevista con o peridico britanico The Guardian, Justin Sane explanico as razons por as que o grupo sinyó por una gran discografica:

As grans discograficas s'han amanato a nusatros en istos zaguers siet u ueito anyos, pero creyébanos que íbanos a tener un gran impacto a on que yéranos. Nunca no heban quiesto deixar-nos o control de tot. Ista vegata nos deixoron o control de raso sobre as gravacions, os disenyos y as collas con as que feríanos as chiras. No íbanos a estar censuratos. Asinas que si ha existito un momento en que podemos fer-nos sentir a gran escala agora ye l'inte. Estoi que hemos estau una voz en o disierto mientres muito tiempo.[13]

Dende alavez o grupo deixó RCA y quitó o suyo album The People or the Gun en 2009 con a discografica independient SideOneDummy.

Miembros[editar | modificar o codigo]

  • Justin Sane – vocalista líder, guitarra ritmica (1988–1989, 1993–present)
  • Chris #2 – vocalista líder, baixista (1999–present)
  • Chris Head – guitarrista líder, coros (1997–present), baixista (1997)
  • Pat Thetic – batería, percusión (1988–1989, 1993–present)

Antigos miembros[editar | modificar o codigo]

  • Andy Flag — baixista, coros, a vegatas vocalista líder (1993–1996)
  • Jamie Cock — baixista (1997–1999)
  • Sean Whelan — baixista (1996–1997)
  • Lucy Fester — baixista (1988–1989)

Discografía[editar | modificar o codigo]

Referencias[editar | modificar o codigo]

Vinclos externos[editar | modificar o codigo]