Andrianoplin

Andrianoplin Edirne
Localidat de Turquía
Estato  • Provincia	Turquía Andrianoplin
Población  • Total	136.070 hab.

Andrianoplin (Edirne en turco) ye una ciudat de Tracia Oriental (Turquía) que historicament ha tenito muita importancia estratechica por estar una crucillata de camins. O río Tundzha trescruza a ciudat y a man se troba o suyo forcallo con o río Meriç. En l'anyo 2007 teneba uns 136.070 habitants.

Toponimia

En a obra herediana se troba de diferents trazas Andrianopli, Andrianoplin, Andrianopoli y d'atras, totas derivatas d'a forma griega orichinal Adrianopolis, y pareixitas a lo exotoponimo francés Andrianople.

En o "Libro d'os Emperadors":

dita, & fuido en la ciudat de Andrianoplin por diligencia de algunos senyores e nobles

En a "Libro de los fechos et conquistas del principado de la Morea":

vencido el emperador & fuyendo se recullió en Andrianopoli. Et los Catalanes & los Turquos mataron muchos grieguos & fizieron grant preda

Historia

A ciudat fue refundata por o emperador Hadrián sobre a localidat tracia de Uskadama/Uskudama/Uskodama/Uscudama con o nombre de Hadrianopolis, fendo-la capital d'a provincia de Haemimont. D'importancia estrechica, Licinio bi fue derrotato por Constantín I en l'anyo 323 y en l'anyo 378 se produció a batalla d'Andrianoplin entre os romans y os visigodos, batalla en a que morió o emperador Valent.

En 1305 Rocher de Flor fue asesinato en Andrianoplin en un banquete que ofreixió o coemperador Miguel IX Paleologo a los almogavars, victimas dimpués d'una mortalera.

Murat I (1360-1389) conquirió Andrianoplin a lo Imperio Bizantín, fendo-ne a suya nueva capital, y dimpués conquirió o sud de Bulgaria. Andrianoplin estió capital d'o Imperio Otomán enantes que Costantinoble.