Alviolo pulmonar

De Biquipedia
Ir ta: navego, busca
Esquema de como son os alviolos pulmonars con texto en anglés.

Os alviolos pulmonars son bultos que bi ha en os cabos de l'árbol bronquial (adintro d'os polmons), embolicaus por capilars sanguinios y a on se fa o intercambio gasioso. A existencia d'os alviolos en os polmons d'os mamiferos fa que a superficie d'intercambio gasiosa siga muito mes gran que a superficie d'una cambra toracica sin plegos internos y millora a eficacia respiratoria, superficie que en a especie humana plega a bells 70-75 m2. Os capilars sanguinios d'os alviolos son a zaguera ramificación d'as arterias pulmonars y o encomienzo d'as venas pulmonars. En os capilars sanguinios d'os alviolos o intercambio de gases ye o contrario que en os capilars d'as atras estructuras de l'organismo, y o dioxido de carbonio s'ixemena dende os capilars a los alviolos devez que l'oxichén d'os alviolos pasa a la sangre por difusión. Os alviolos pulmonars fan part d'os sacos pulmonars.