Luengas altochermanicas superiors

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre un grupo de luengas, no s'ha de confundir con l'alemán stándard

Luengas altochermanicas superiors
Familia lingüistica
Atras denominacions:	Alto alemán superior
Distribución cheografica:	prencipalment en Alemanya central y meridional, Liechtenstein, Luxemburgo, norte y centro de Suiza, Austria, partis de Polonia, Alsacia y Tirol d'o Sud
Etnia:
Clasificación lingüistica
Clasificación:	Indoeuropeas Chermanicas Occidentals Altochermanicas Superiors
Protoluenga:	{{{protoluenga}}}
Subdivisions:	1) Alto franco 2) Alamanico 3) Austro-bavaro
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	[5]
Linguasphere:	{{{linguasphere}}}
Glottolog:	uppe1397
Mapa de situación
Alto franco    Franco oriental    Franco meridional Alamanico    Suabio    Baixo alamanico    Alto alamanico y Alto alamanico superior Austro-bavaro    Bavaro septentrional    Bavaro central    Bavaro meridional

As luengas altochermanicas superiors u alto alemán superior (en alemán Oberdeutsch) son una familia de luengas altochermanicas charradas en l'aria sud d'a zona de distribución d'istas luengas (Sprachraum).

Árbol de familia

L'alto alemán superior se gosa dividir en dos luengas, l'alamanico y l'austro-bavaro. Manimenos l'alto franco, grupo de dialectos d'o franco se charran dica a isoglosa marcada por a linia d'Espira y por ixo se consideran tamién parti de l'alemán superior. Encara que ya una cuestión ubierta si habrían d'incluyir-se en l'alto alemán u l'alemán central, se gosan considerar parlas de transición entre toz dos grupos de luengas. O l'alemán central d'os Monts Metalicos, que se gosa agrupar con l'alto saxón por razons cheograficas, ye lingüisticament mas relacionau con o franco oriental, mas que mas os dialectos mas occidentals.

• Alamanico (Alemannisch, charrau en o estau alemán de Baden-Württemberg, en a rechión bavara de Suabia, en Suiza, Liechtenstein, o estau austriaco de Vorarlberg y Alsacia en Francia)
  • suabio (Schwäbisch, charrau mas que mas en Suabia)
  • Baixo alamanico (Niederalemannisch)
    • Alsaciano (Elsässisch, charrau en Alsacia, Francia)
    • Coloniero, charrau en Colonia Tovar, Venezuela)
    • Alamanico de Basilea (en alemán de Basilea Baslerdüütsch, en alemán Baseldeutsch)
  • Alto alamanico (Hochalemannisch)
    • Alamanico de Berna (en alemán de Berna Bärndütsch, en alemán Berndeutsch)
    • Alamanico de Zúrich (en alemán de Zurich Züritüütsch, en alemán Zürichdeutsch)
  • Alto alamanico superior (Höchstalemannisch)
    • Alamanico d'o Valais (en alemán d'o Valais Wallisertitsch, en alemán Walliserdeutsch, charrau en o cantón d'o Valais en Suiza)
• Bavaro (en bavaro Boarische Språch, en alemán Bairisch, charrau en o estau alemán de Bavera, en Austria y en o Tirol d'o Sud, Italia
  • Bavaro septentrional (en bavaro Nordboarisch, en alemán Nordbairisch, charrau mas que mas en a rechión bavara de l'Alto Palatinato)
  • Bavaro central (en bavaro Mittelboarisch, en alemán Mittelbairisch, charrau mas que mas en l'Alta y a Baixa Bavera, en o estau de Salzburgo y en l'Alta y Baixa Austria)
    • Bavaro vienés (en alemán Wienerisch, spoken in Vienna and parts of Lower Austria)
  • Bavaro meridional (en bavaro Südboarisch, en alemán Südbairisch, charrau mas que mas en os estaus austriacos de Tirol, Carintia y Estiria, asinas como en o Tirol d'o Sud, en Italia)
    • Gottscheerisch (en gottscheerish Göttscheabarisch, en alemán Gottscheerisch, en esloveno kočevarščina, charrau en Gottschee, Eslovenia, y cuasi desapareixiu)
  • Cimbrio (en alemán Tzimbrisch, en italiano lingua cimbra, charrau en as Siet Comunas (d'antis mas tamién en as Trece Comunas) en o Veneto y arredol de Luserna (Lusern), Trentino, Italia)
  • Mocheno (en italiano lingua mòchena, en alemán Fersentalerisch, charrau en a Val d'os Mòcheni, Trentino en Italia)
  • Hutterita (en alemán Hutterisch, charrau en Canadá y os Estaus Unius)
• Alto franco (en alemán Hochfränkisch, charrau en a Franconia bavara, asinas como en os estaus adchacents de Baden-Württemberg y sud de Turinchia)
  • Franco oriental (en alemán Ostfränkisch, coloquialment nomás Fränkisch)
    • Franco d'o Main (en alemán Mainfränkisch, mas que mas charrau en a Franconia bavara, en l'adchacent districto de Main-Tauber en Baden-Württemberg, asinas como en Turinchia a o sud de Rennsteig)
      • Franco d'a val d'Itz (en alemán Itzgründisch, charrau en a val d'Itz)
    • Franco de Vogtland (en alemán Vogtländisch, charrau en Vogtland, Saxonia
  • Franco meridional (en alemán Südfränkisch, charrau en a rechión de Heilbronn-Franconia a o norte de Baden-Württemberg debaixo d'o districto de Karlsruhe.

Idioma longobardo

Ta más detalles, veyer l'articlo Idioma longobardoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os longobardos emigroron a Italia en l'anyo 568 y charraban una luenga chermanica occidental que desapareixería enta l'anyo 1000. Basando-se en o feito que a luenga d'os antigos longobardos siguió a segunda mutación consonantica chermanica u zweite Lautverschiebung, se gosa clasificar en o grupo alto alemán. Manimenos, si como pareixe a mutación consonantica de l'alto alemán se produció entre os sieglos VII y VIII (estando tardana respecto a atras zonas d'o suyo diasistema a on que ya habría comenzau en o sieglo IV), iste criterio de clasificación sería un anacronismo.

D'atra man, si a luenga d'os longobardos u longobardica ya yera esencialment identica a o bavaro u l'alamanico por ixas envueltas, dito anacronismo desapareixería. De feito o que ye tesmimoniau en longobardo no amuestra diferencias sistematicas en garra punto particular respecto a lo bavaro d'o sieglo VIII, de fueras de pocos desarrollos foneticos diverchents, que manimenos pareixen postposar la calendata de l'abantdita mutación consonantica.