Aler

Aler
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Benabarri
Población  • Total	36 hab.
Altaria	702 m.
Distancia  • 10 km	enta Benabarri
Codigo postal	22580
Parroquial  • Diocesi  •Arciprestato	Balbastro-Monzón Ribagorza

Aler ye un lugar aragonés situato a una distancia de 10 km de Benabarri y pertenexient a este municipio, en a comarca d'a Ribagorza y provincia de Uesca. En 1991 teneba una población de 36 habitants.

Cheografía

Ye situato en a cuenca de l'Esera, a diferencia d'atros lugars d'o municipio de Benabarri, a 702 metros d'altaria sobre o ran d'a mar y a una distancia de 10 km de Benabarri, a capital d'o suyo termin municipal, y de 100 km d'a ciudat de Uesca, a capital d'a suya provincia.

Parla

En Aler bi ha una parla de transición entre o catalán y l'aragonés difícil de clasificar d'a mesma serie transicional que a parla de Chuseu. Seguntes Artur Quintana, a parla d'Aler se puet clasificar como catalán ribagorzano de transición enta l'aragonés.

En Chuseu y Aler o participio d'o verbo ser ye en -ito, sito, relacionato con set d'o catalán nordoccidental de bells lugars d'Aragón u que mugan con Aragón, y sit d'o maellán.

• A c, ç d'o catalán se prenuncia como z interdental como en aragonés, castellán d'o norte y centro y parlas d'o Mezquín-Guadalop.

• A rematanza en -es d'o catalán que ye en os plurals femenins y verbos en segunda presona singular se prenuncia /-as/ (vingas y las casas en cuenta de vingues y les cases).

Atra cosa intresant d'a parla d'Aler y d'atros lugars d'a val del Sarrón, como Chuseu y Torres, ye que a terminación -rn d'o catalán se prenuncia -rt (fort, hivèrt, infèrt en cuenta de forn, hivern y infern).

Demografía

Evolución demografica

1910 1920 1930 1940 1950 1960 1970 1981 1991 - - - - - - - - 36

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Molimentos

• Ilesia d'o sieglo XII.