Aleixo III Ánchel

De Biquipedia
Ir ta: navego, busca
Aleixo III Ánchel
Emperador d'o Imperio Bizantín
Alexios III -Angelos.jpg

1195 - 1203
Predecesor Isac II Ánchel
Succesor Isac II Ánchel
Alexo IV Ánchel

Naixencia Arredol de 1153
Muerte 1211
Dinastía Dinastía d'os Ánchels
Pai Andrónico Ánchel
Mai Eufrosine Castamonitissa

Aleixo III ye naixito arredol de l'anyo 1153 y morió en 1211. Estió Emperador d'o Imperio Bizantín dende 1195 dica 1203.

En 1195 Aleixo III sustituyó a lo suyo chirmán Isac II Ánchel, feito que nombran en a "Cronica de Morea", on confunden a dinastía d'os Ánchel por a d'os Comnino:

Et seyendo alli vino caso que Quir Alexi Comnino, hermano de Quir Ssaqui Comnino, enperador de Contastinoble, auia preso al dicho Quir Ssaqui su hermano emperador & crebadole los oios, & pusolo en prision & tomole la senyoría, & el fiio del enperador Quir Ssaqui qui era iouen fuyo en Alemanya al enperador de Alemanya, qui era ermano de su madre

Habió de satisfer as desichencias d'o emperador Henrique VII, tamién rei de Secilia, que reclamaba dreitos a la cadiera imperial por estar casato o suyo chirmán Felipe de Suabia con Irene, filla d'Isac. Li habió de dar 1.600 libras d'oro dica 1197.

Aleixo III prebó de conseguir l'aduya pontificia entre 1198 y 1203 oferindo a Inocencio III un prochecto d'unión d'as dos ilesias. Inocencio demandaba o reconoiximiento d'o suyo primato sin atras condicions y entre 1202 y 1204 posaba baixo dominio y proteción pontificias a los reinos y ilesias serbia y [[Ilesia autocefala bulgara|bulgara]. A meyatos de 1202 o fillo d'Isac II, Aleixo IV, quereba recuperar a cadiera imperial y demanda aduya a los cruzatos d'a quatrena cruzata, concentratos en Venecia, y esto fará que os griegos pierdan o control d'o Imperio Bizantín y se creye o Imperio Latín de Costantinoble.

En a "Cronica de Morea" comentan:

Et cuando fueron aplegados a Contastinoble, Alexi qui tenia a Costantinoble, vidiendo el poder los francos & vidiendo qu'él no auia poder para defenderse, fuyó a las partidas de Salonichi por recobrar & aplegar gentes de sieruos, de Blacuos & de Burgaros por defender las ciudades he castiellos del dicho inperio


Predecesor:
Isac II Ánchel
Emperador d'o Imperio bizantín
1195 - 1203
Succesor:
Isac II Ánchel y Aleixo IV Ánchel