Alcañiz Club de Fútbol

Alcañiz CF
Nombre oficial	Alcañiz Club de Fútbol
Establito	1923
Estadio
• Nombre	Estadio Santa María
• Ciudat	Alcanyiz
• Aforo	2.800
President	Concha Tello
Entrenador	Carlos Burillo
Liga	Rechional preferent aragonesa
2009/10	11º
Primera equipación Segunda equipación

L'Alcañiz Club de Fútbol ye un club de fútbol aragonés, d'a ciudat d'Alcanyiz (Teruel). Fue establito en 1923 y actualment chuga en a Rechional preferent aragonesa. Tien 500 socios.

Historia

A historia de l'Alcañiz CF prencipió en 1923 quan una colla d'amigos d'a ciudat decidioron chuntar-se y chugar a o fútbol. Por ixas embueltas o fútbol yera un esporte quasi esconoixito en o Baixo Aragón, y ye por ixo que a primera faina, trobar un campo ta chugar no estió guaire fácil. A la fin se trobó un terreno en "Torre de la Tella", una mica luen d'a ciudat. Anyos más tardi l'Alcañiz CF se tresladó ta "Torre de Ram".

En os siguients anyos, antis d'a guerra o equipe dentró en a Federación Aragonesa y prencipió a chugar partitos con atros equipes que ya s'heban establito en a rechión u tamién viachaba muito a sobén ta a capital ta chugar partitos con equipes de Zaragoza.

Dimpués de muitos cambeos de campo actualment se chuga en o Estadio de Santa María.

Equipación

Alcañiz CF 2008

As colors d'a equipación de l'Alcañiz naixioron d'a ideya d'o capitan Casimiro Viñas quan veyó chugar en Barcelona a o Spartak de Praga de negro y blanco. Tamién o mesmo Viñas y Carlos Agudo, atro chugador d'o equipe disenyoron o escudo de l'Alcañiz.

Encara hue se fan servir as mesmas color y o mesmo escudo, chambreta negra y pantalón blanco.

Chugadors

Categoría prencipal: Futbolistas de l'Alcañiz CF