Agaricus

De Biquipedia
Ir ta: navego, busca
Champinyons
Agaricus
Es potrecons d'o chenero Agaricus.
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Fungi
Filo: Basidiomycota
Clase: Homobasidiomycetes
Subclase: Hymenomycetes
Orden: Agaricales
Familia: Agaricaceae
Chenero: Agaricus
Especies
Se veiga texto

Os champinyons (d'o francés champignon) son es potrecons caracteristicos d'es fongos d'o chenero Agaricus. Bellas especies d'iste chenero son cautivadas como a comestibles, d'entre ellas la una més important ye Agaricus bisporus.

Caracteristicas[editar | editar código]

As especies de champinyons tienen per l'usual fructificacions carnosas, de mida meya u gran; o chambrero ye hemisferico inicialment, dimpués se torna convexo, y a la fin remata alto u baixo aplanato, con una color blanquinosa u moderadament marrón. O piet ye celindrico, a vegadas més estreito per a basi suya; siempre tien un aniello que puet estar persistent u caduco y que separa-se a sobén con facilidat d'o potrecón.

As laminas son libres, no afixadas ent'o piet, densas y d'una color palida quan emprencipa ta medrar, que va tornando-se'n més rosada con es tiempos. A carne gosa a estar densa e firme, d'una color blanquinosa también, pero que s'oxida a escape quan se troba en contacto con l'aire, prenendo alavez colors més royencas u marronosas.

Vinclos externos[editar | editar código]