Deutsches Afrika Korps

De Biquipedia
(Reendrezau dende Afrika Korps)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Frontera debantera d'un Pancerkampfwagen IV-D d'o Deutsches Afrika Korps, con o escudo d'ista unidat.
Os chenerals d'o Deutsches Afrika Korps Erwin Rommel y Fritz Bayerlein mientres a batalla de Tobruk en chunio de 1942.
Escudo d'o Deutsches Afrika Korps.

O Deutsches Afrika Korps (en alemán abrebiato Afrika Korps, Afrikakorps u DAK) estió o nombre que recibió o Cuartel Cheneral (HQ) d'as tropas ninviatas por a Wehrmacht d'o Tercer Reich enta Africa d'o Norte mientres a Segunda Guerra Mundial ta aduyar a l'Exercito italiano a redotar a l'Exercito britanico y dentrar en Echipto, que en ixe inte feba parte de l'Imperio Britanico. Sindembargo, mica en mica o nombre s'emplegó tamién ta fer referencia a las unidaz militars alemanas en ixe mesmo territorio.

O Deutsches Afrika Korps fue creyato o 19 de febrero de 1941, ta reforzar a las tropas italianas en Libia, bloqueyatas por a contraofensiva d'o VIII Exercito britanico en a dita Operación Compass. A o suyo mando se trobaba o mariscal Erwin Rommel, y a suya primera misión yera nomás la de mantener o dominio italiano en Libia y reconquerir a Cirenaica.

Dimpués de luitar en a Campanya d'Africa d'o Norte, con importants batallas, os repuis d'o Deutsches Afrika Korps se rindioron a los Aliaus en Túniz o 12 de mayo de 1943, encara que o suyo chefe militar mas conoixito, Erwin Rommel, ya heba estato ninviato a Europa por Adolf Hitler ta que no cayese presonero d'os Aliaus dimpués d'a suya zaguera victoria en a batalla d'o paso de Kasserine.

Vinclos externos[editar | modificar o codigo]