Ademuz

De Biquipedia
Ir ta: navego, busca
Ademuz
Municipio d'o País Valencián
Escudo d'armas
Ermita de Santa María de la Güerta d'Ademuz. S. XIV

Ermita de Santa María de la Güerta d'Ademuz (S.XIV)
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
Comunidat Valenciana
Valencia
Rincón d'Ademuz
Superficie 100,40 km²
Población
 • Total

1,269 hab. (2008)
Altaria 660 m.
Distancia
 • 130 km

enta Valencia
Codigo postal 46140
Ríos Guadalaviar y Bohílgues
Coordenatas
40°4′″N 1°17′″U
Ademuz en País Valencián
Ademuz
Ademuz
Situación d'Ademuz en País Valencián
www.ademuz.es

Ademuz (Ademús en catalán) ye un municipio d'a provincia de Valencia, situato en o enclau d'o Rincón d'Ademuz, comarca valenciana entre Aragón y Castiella-La Mancha, y en ye a suya capital. A suya población ye de 1.242 habitants (2007), en una superficie de 100,4 km² con una densidat de 12,37 hab/km².

Cheografía[editar | editar código]

A villa d'Ademuz se troba en a marguin dreita d'o río Guadalaviar, situata en as pronunciatas vesants d'a montanya d'os Zafranares. Ye por ixo que ista villa tien como caracteristica as largas y estreitas carreras estando muitas en cuesta, que se comunican entre ellas por chicotz callizos, y carreras mas estreitas, muitas d'ellas escalonatas, mientres as casas pareixen sobreposar-sen as unas dencima d'as atras, formando a caracteristica anvista d'iste lugar, que manda a bega d'o río Guadalaviar. A villa d'Ademuz ye a capital d'a comarca d'o Rincón d'Ademuz.

Mugas[editar | editar código]

O termin d'Ademuz muga con Libros, Río Deva, La Puebla de Sant Miguel, Santa Cruz de Moya, Casas Altas, Vallanca y Castiel Fabib.

Espacios naturals[editar | editar código]

Flors d'almendrera.

O termin municipal d'Ademuz ye en a suya mayor parte montanyoso, con cautivos tipicament mediterranios como as almendreras. O termin municipal ye trescruzato por o río Guadalaviar y o suyo afluent, o río Bohílgues, con un amplo rete de zaicas que permete os cautivos de regano, mes que mes mazaneras y atros fruitals.

O paisache natural ye muito polito y adequato pa las gambatas y rotas senderistas, en especial en o río Bohílgues, con una intresant fauna y vechetación de ribera, declarato microrreserva natural. Tamién bi ha molins, beluns d'ellos muito antigos como o d'a Villa, d'Efren, y una central hidro-electrica huei en desuso.

Vicín a lo termin d'Ademuz ye o Parque Natural de Puebla de Sant Miguel, declarato parque natural por o gubierno valencián en mayo de 2007. Tien sabinas centenarias, y lo pico més alto d'o País Valenciano: l'Alto d'as Barracas u tamién dito Pico Calderón.

Nuclios de población[editar | editar código]

Bi ha 3 nuclios de población en o municipio, a mes d'a mesma villa d'Ademuz:

Tamién bi ha a-saber-las pardinas por tot o termin municipal, como as d'Altamira, Guerrero, El Soto, San Juan de las Veguillas y La Balsa, entre atras.

Historia[editar | editar código]

Enantes que lo reconquerisen se menciona Demuz en 1142 como una d'as mugas d'a Comunidat de Daroca. Por lo que pareix Remón Berenguer IV lis ne atorgaba a los Daroca si lo reconqueriban. Sindembargo a Comunidat de Daroca nunca no plegó a controlar territorios tant a lo sur.

Castiello d'Ademuz. Vista parcial

Ademuz fué reconquiesto en 1210, ya pa cutio por Pero II d'Aragón (Daymuz et Castellum Habib et castellum quom dicitur lo Corbo et castellum quom dicitur Serrella) con aduya templera. En 1216 se confirmó que Sancho VII de Navarra teneba bells castiellos en a muga aragonesa con lo reino taifa de Valencia, entre ellos lo de Castiel Fabib y lo d'Ademuz, castiellos que probablement consiguió con empenyos de Pero II. O 20 d'abril de 1229 se firmó un tractato entre Chaime I d'Aragón y Zait Abu Zait. Abu Zait se declaró vasallo de Chaime I, se producioron cesions territorials y Ademuz quedó como lugar d'a Corona con os dreitos d'as diezmas ceditos a lo Temple. Ademuz fue adhibito a lo Reino de Valencia por o fillo y succesor de Pero II, Chaime I o Conqueridor.

O castiello d'Ademuz estió muit important en a Edat Meya, en especial en a guerra con Castiella, setiato dos vegatas por as tropas de Pero I de Castiella. Os ademucers estioron fidels siempre a la Corona d'Aragón.

Esta fidelidat la premioron muitas vegatas los reis d'Aragón, con fueros y libertatz a la municipalidat. Yera Ademuz villa reyal y teneba representación de sendicos en as Cortz de Valencia.

Demografía[editar | editar código]

Dende a decada de 1940 a emigración despobló Ademuz. Os vecins se'n iban pa grans centros industrials como Barcelona, Valencia y o Puerto de Murbiedro. Tamien estió significativa a emigración temporal pa las vendemas de Francia.

Evolución demografica
1842 1877 1900 1920 1940 1960 1981 2001 2005 2006 2007 2008
3.033 3.339 3.415 4.092 3.866 2.827 1.545 1.115 1.157 1.183 1.242 1.269

Actualment a tendencia negativa s'invierte por a plegata de emigrants pa Ademuz, provinients d'a Berbería y de Rumanía mes que mes.

Economía[editar | editar código]

Variedatz de mazanas

As actividatz economicas principals son agricolas. En o pasato estioron os cerials y a vinya os cautivos principals. Huei son importants os quasi monocautivos como as almendreras y as mazaneras. As mazanas d'Ademuz tienen un reconoixito prestichio en os mercatos exteriors.

As actividatz ganaderas se centran en o bestiar ovín mes que mes.

A industria ye redueita a actividatz alimentarias como turrons u carnicas, y atros productos de consumo basico, venditos en os mercatos exteriors y tamién muito apreciatos por os visitants.

O comercio ye muito desembolicato, se i concentran bells comercios, supermercatos, bancos y caixas, tallers, etz. on acuden tamien os habitants d'as poblacions vecinas.

O dia de mercato semanal ye o miercols, en a Plaza del Rabal.

O turismo rural tien en os zaguers tiempos un desembolique acceptable, cuenta con un hotel y bellas pensions y casas rurals.

Ademuz concentra tamién os principals servicios d'a comarca: o Centro de Salut Comarcal, o Colechio de Primaria, o Instituto d'Amostranza Segundaria y l'helipuerto en construcción.

Administración[editar | editar código]

Alcaldes[editar | editar código]

Lista d'alcaldes
Lechislatura Nombre Partito politico
19791983 Martirián Sánchez Monterde Unión de Centro Democrático
19831987 Martirián Sánchez Monterde OIV
19871991 Rafael Edo Pertegaz Partido Socialista Obrero Español
19911995 Jesus Férriz Hinojosa Partido Popular
19951999 Jesus Férriz Hinojosa Partido Popular
19992003 Jesus Blasco Sánchez Partido Popular
20032007 Fernando Soriano Antón Partido Socialista Obrero Español
20072011 Fernando Soriano Antón Partido Socialista Obrero Español

Patrimonio historico-artistico[editar | editar código]

Ilesia Arciprestal de San Per y San Pablo. Sieglo XVII. Ademuz

Arquitectura relichiosa[editar | editar código]

Arquitectura civil[editar | editar código]

Antigo escudo d'armas d'Ademuz en epoca foral

Museus y espacios culturals[editar | editar código]

  • Museu p'a Interpretación de l'augua, en o Molín Reyal.
  • Museu d'o Pan y forno tradicional. En Mas de l'Olmo.
  • Casa d'a Cultura. Se tracta d'un edificio historico construito en a decada de 1920, o Café-Teatro "La Unión", conoixito popularment como La Sociedad, pus a suya edificación la movioron os vecins d'ideolochía republicana. En a actualidat ye un centro multiusos que aculle, entre atros organismos, l'Instituto Cultural y de Estudios del Rincón de Ademuz, a Biblioteca Monecipal y a Sociedat Musical.
  • Sala de Exposiciones Temporales. en o edificio d'a antigua Fosqueta Monecipal de'o sieglo XVI.

Toponimia menor[editar | editar código]

Se conservan microtoponimos coincidents con l'aragonés, como Val, Cambra (en Cambra vieja del trigo) u a Casa de la Villa, que se clama asinas mes que achuntamiento.

Fiestas[editar | editar código]

  • Feria de San José. Tradicional feria de bestiar.
  • Sant Vicente Ferrer. Domingo siguient a Pasqua de Resureccion. Mona y por a noche hoguericas en las calles.
  • Asumpción d'a Virchen. Fiestas d'agosto. Bailes, toros en a carrera y o Rabal, penyas, toro embolato, etc.
  • Nuestra Senyora del Rosario. Tradicionals Fiestas Patronals d'a villa. Primer domingo d'octubre. Bailes, toro embolato...
  • Tambien se celebran Sant Roque, Santa Bárbara y o patron d'a villa, Sant Pero. Atros santos celebrados son Sant Blas y Sant Antón.
  • Sant Miguel Arcánchel en Val de la Sabina.
  • Santa Barbara en Mas de l'Olmo.

Presonaches[editar | editar código]

  • José Ríos.[4] Escritor y antiquario del siglo XVIII, naixito d'Ademuz, retor de Líria y Cullera.
  • Vicente Español. Retor ilustrato de la ilesia arciprestal d'Ademuz d'o sieglo XVIII.
  • Eusebio Cañas.[4] Escritor y tradutor chesuita d'o sieglo XVIII, naixito d'Ademuz y muerto en Italia en 1807.
  • Elvira Lindo. Escritora y guionista, naxita en 1962 en Cádiz y d'orichen ademucer.

Bibliografía[editar | editar código]

  • Eslava Blasco, Raúl: Ademuz y su patrimonio histórico-artístico. Ademuz, 2007. ISBN 978-84-606-4251-0
  • Gargallo Gil, J.E.: Habla y cultura popular en el Rincón de Ademuz. Madrit, 2004.
  • Rubio Herrero, Samuel: Historia verdadera de la cruz que chilla y fundación del Hospital de San Joaquín. Ademuz, 2001.
  • Rodrigo Alfonso, Carles: El Rincón de Ademuz, análisis comarcal. Valencia, 1998.
  • ABABOL. Revista del Instituto Cultural y de Estudios del Rincón de Ademuz (ICERA), dirigida por Ángel Antón Andrés y publicada trimestralmente en Ademuz dende 1995.

Referencias[editar | editar código]

Vinclos externos[editar | editar código]



Municipios d'a comarca Rincón d'Ademuz
Ademuz | Vallanca | Casas Altas | Casas Baixas | Castiel Fabib | La Puebla de San Miguel | Torre Chusana