Adchuste d'ARN

Esquema simplificador d'o proceso d'adchuste d'o ARN.

En biolochía molecular, l'adchuste (prenunciato /aˈtʃuste/; d'o latín ad + iuxtare, «chunir (dos cosas) per os cabos»), millor conoixiu en a bibliografía scientifica con l'anglicismo Splicing, ye una modificación de l'acido ribonucleico (ARN) dimpués d'a transcripción que implica una eliminación indueita d'os introns y a conexión posterior d'os exons, proceso que produceix como resultato lo RNA mensachero (mRNA, de «messenger RNA») tipico d'os eucarionts, en aprestando-lo ta que pueda traducir-se en proteínas. En a mayoría de celulas eucariotas, l'adchuste se fa con tot una complexa maquinaria molecular, que ha lo nombre d'«adchustosoma» u «spliceosoma», que ye feita de ribonucleoproteínas nuclears chicas (snRNP, de «small nuclear ribonucleoproteins»), anque omne tamién conoix mRNAs autoadchustativos.

Se veiga tamién

• Transcripción d'acidos nucleicos
• Traducción de proteínas
• RNA mensacher maduro
• Maduración d'o RNA
• Intrón
• Exón
• Ribozima

Vinclos externos

• Se veigan as imáchens de Commons sobre l'adchuste d'ARN.