Abderramán I

De Biquipedia
(Reendrezau dende Adb al Rahman I)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo contién transliteracions de l'alfabeto arabe. Ta mas información veyer "Transliteración de l'alfabeto arabe a l'aragonés".
Abderramán I
Emir d'o Emirato de Cordoba

Estatua d'Abderramán I en Almuñécar.

756 - 788
Predecesor Yusuf ibn Abd ar-Rahman al-Fihri
Succesor Hixam I

Naixencia marzo de 731
Domás (Siria)
Muerte 788
Cordoba (Al Andalus, hue Andalucía)
Descendencia Hixam I
Dinastía Dinastía omeya
Pai Mu'awiyah ibn Hisham
Mai una concubina berber

Abd Ar-Rahman ibn Mu'awiya ibn Hisham ibn Abd al-Malik (en arabe, عبدالرحمن بن معاوية بن هشام بن عبد الملك), conoixito como Abderramán I u Abd al-Rahmán I al-Dākhil (الداخل: o qui dentra u o exilato), naixito de Domás, en Siria, en marzo de 731 y muerto en Cordoba en 788, estió un prencipe d'a dinastía omeya que se convertió en o primer emir independient d'o emirato de Cordoba en 756, dica la suya muerte en 788.

O prencipe Abderramán consiguió escapar d'a persecución abasí y se refuchió en Marruecos conseguindo-ie o refirme d'os yemenins, enemigos de Yusuf al-Fihrí, o gubernador de l'Al Andalus. Dimpués en 755 pasó ta l'Al Andalus y desembarcó en Almuñécar. En l'Al Andalus trobó o refirme d'os sirians que heban plegato pa sofocar a segunda revuelta berber, (un exercito d'uns 7.000 soldatos dirichitos por Balch). Fue proclamato emir de l'Al Andalus en 756 en Archidona y consiguió a primera victoria contra Yusuf al-Fihrí entrando trunfador en Cordoba, encomenzando a etapa d'o emirato independient de Cordoba.

O primer emir tenió muitas dificultaz:

  • a resistencia de Yusuf y os suyos fillos
  • a resistencia d'o caudiello d'os sirians de Chaén al-Sumayl.
  • Aparición de partidarios d'os abbasidas en bels puntos.
  • Sublevación d'os antigos aliaus yemenins.
  • A famosa expedición de Carlos Magno ta Zaragoza con a derrota de Roncesvals.

Abderramán estructuró l'exercito, creyó nuevos servicios administrativos y encomenzó a construcción d'a mezquita de Cordoba sobre l'antiga ilesia de Sant Vicient.


Predecesor:
Yusuf ibn Abd ar-Rahman al-Fihri
Emir de Cordoba
756-788
Succesor:
Hixam I