Abu Nuwas
| Abu Nuwas أبو نواس الحسن بن هانئ الحكمي |
|
|---|---|
 Abu Nuwas, por Khalil Gibran. |
|
| Información personal | |
| Calendata de naixencia: | 747-762 ? |
| Puesto de naixencia: | Ahvaz (hue en Irán) |
| Calendata de muerte: | Arredol de 815 |
| Puesto de muerte: | Bagdad (hue en Iraq) |
| Ocupación: | Poeta |
Abu Nuwas (en arabe أبو نواس الحسن بن هانئ الحكمي), naixito d'Ahvaz (hue en Irán) entre 747 y 762 y muerto arredol de 815 en Bagdad (hue en Iraq) estió un poeta arabo-persa en luenga arabe, considerato en a suya epoca como o mas gran poeta arabe y que hue ye considerato uno d'os prencipals autors en ixa luenga.
[editar] A suya vida
Naixito de pai arabe y mai persa, fue educato en medios arabizatos, fendo os suyos estudeyos en a ciudat de Basra (en o sud de l'actual Iraq, a man d'o Golfo Persico). Estió aimant d'o conoixito poeta arabe (y libertín) Waliba ibn al-Hubab, qui estió a más o suyo mayestro.
Por razons politicas (heba adedicato poesías a os chefes basmakís), fuyó de Bagdad, a on viviba, ta residir en A Meca y en Echipto dica la cayita d'a dinastía Abbasida y a muerte de Harun al Raxid en 809.
[editar] A suya obra
En a suya poesía destaca o suyo intrés por o hedonismo, encara que con aspectos misticos. Charra asinas d'o placer d'o vin, de l'amor homosexual u d'a cazata, encara que tamién d'o temor por a muerte u por os problemas d'a edat. A suya obra tien muitas influencias d'a poesía pre-islamica.
Sindembargo, en muitas edicions actuals d'a suya obra no se fa referencia a la suya homosexualidat, y a sobén no se publican por censura bellas poesías adedicatas a los suyos aimants.
[editar] Vinclos externos
- (en) Poesía d'Abū Nuwās.
- (en) The Knitting Circle: Abū Nuwās.
- (en) Al-Funu.Org: Abū Nuwās.
- (en) Queer Theory: Abū Nuwās.
- (en) 1001 Arabian Nights: Harun al_Rashid and the Damsel and Abu Nowas.
- (fr) Pachina web sobre "Abou Nawas" con biografía y poemas.
- (fr) Les grands libertins de l'islam, TelQuel (semanario marroquín).
