Abies alba

De Biquipedia
Ir ta: navego, busca
Abies alba
Abies alba Orjen.jpg
Clasificación scientifica
Dominio: Eukaryota
Reino: Plantae
División: Pinophyta
Clase: Pinopsida
Orden: Pinales
Familia: Pinaceae
Chenero: Abies
Subchenero: A.alba
Nomenclatura binominal
Abies alba
Mill., 1768

L'abet común Abies alba ye a especie d'abet més estendillata por Europa Central y Occidental y forma selvas en o piso Montán d'os Pireneus.

Descripción[editar | editar código]

Por un regular poseye un porte regular, conico-piramidal, con trallo recto y quasi cilindrico y ramas aparents en verticilos que tienen a la posición horizontal. A suya ramificación abundant y densa creya una sombra muito espesa.

As aciclas de l'abete se situan con una traza helicoidal en as brancas, encara que en especial as aciclas inferiors se disposan en un mesmo plan por torsión d'o peciolo como un doble peine, (d'astí l'atro nombre scientifico d'esta especie, A.pectinata). A disposición en doble peine se conoix como disposición dística y permite aproveitar millor a enerchía luminica, important en zonas en as que habita con muitos días nublos, con boira u con cellos.

As pinyas maturas (setiembre-octubre) se desfan por a caita d'as bractias y escatas, como en as atras especies d'o chenero. Por ixo en hibierno no queda que l'eixe espullato sobre as brancas, (dimpués caye). As pinyas completas en o suelo no se troban guaire a sobén.

Ecolochía[editar | editar código]

Ye un árbol de climas fridos y humidos, con part d'a precipitación en forma de nieu. Precisa d'humidat edafica regular tota l'anyata, y en verano si no pleben 300 mm creyando prou humidat edafica li cal que hi haiga humidat ambiental, d'astí que se trobe en zonas con clima d'influencia atlantica.

Encara que aguante bien os fridos d'hibierno, li perchudican as chelatas tardanas en o preriodo de creiximiento anyal en abril u mayo.

Ocupa suelos variatos, con diferent grau d'aceteza, pero prefiere suelos profundos y frescos, soportando que s'embadinen en cierta mesura. L'abete contribuye a acidificar o suelo quan se descomponen as aciclas.

A cherminación y desembolique d'os pinyons precisa d'una sombra densa, y l'abete no puet colonizar que suelos ya cubiertos con vechetación baixo árbols u arbustos. L'abet ya adulto puet aguantar a insolación caracteristica de l'alta montanya pirenenca.