Abelluela

Abelluela
Municipio d'Aragón
A ilesia de Sant Agostín d'Abelluela.
Entidat  • País  • Provincia  • Comarca	Municipio Aragón  Teruel Gúdar-Chabalambre
Superficie	87 km²
Población  • Total	61 hab. (2008)
Altaria	1.169 m.
Distancia  • 95 km	enta Teruel
Codigo postal	44422
Coordenatas	39°55’ 1’’N 0°52’58’’U
Abelluela Situación d'Abelluela en Aragón

Abelluela (Abejuela en castellán) ye un municipio d'a provincia de Teruel, situato en a comarca de Gúdar-Chabalambre. A suya población ye de 61 habitants (2008), en una superficie de 87 km² y una densidat de población de 0,70 hab/km².

Cheografía

Ye situato en o semontano d'a sierra de Chabalambre, chunto a la Rambla Abelluela. Ye o punto más meridional d'a provincia de Teruel. Comprende o lugar de La Cervera.

Mugas

O suyo termin muga con Lo Toro, con un cantón de Bexix, con un cantón de Sacanyet, con Andilla, con La Yesa, con Torrillas y con Manzanera.

Torrillas	Manzanera
La Yesa		Lo Toro
	Andilla	Andilla, Bexix, Sacanyet

Toponimia

Ye posible que antigament fuese conoixita como Abella. Dimpués de la deseparación d'Exerica de lo concello de Teruel en 1261 los teruelans quereban recuperar los territorios que d'alcuerdo con lo fuero de 1177 lis correspondeban, y prebaban de fer-lo poblando los territorios que teoricament lis correspondeban. Lo historiador Enric Guinot Rodríguez opina ni Torrillas ni Abelluela existiban en 1261, y que Torrillas y Almansa (nuclio precursor d'Abelluela) son citatas por primera vegata en mayo de 1262 como lugars que lo concello de Teruel heba de repoblar. D'esta traza os teruelans nombroron mayordombres en un texto en o que salen unas aldeyas de la zona en litichio con lo reino de Valencia entre las que trobamos torrillas latinizato:

qui dividant et donent ad populandum quibuscumque personis voluerint...loca illa sunt in terminis turoliii, qui nominantur Musquerola, Val de Linares, Pana Calva, Atorela, Salmança, Turriles, Camarela et omnia loca que in termino Turolii sunt ad populandum

En noviembre de 1263, en tiempos d'o litichio entre o Concello de Teruel y Eximén Pérez d'Arenós por a posesión d'Albentosa, Chaime I sentenció que a posesión d'Abella correspondeba a lo concello de Teruel.

O 2 de septiembre de 1268 s'escribiba Castellar de Abexuela quan o concello de Teruel nombró seis quinyoners pa l'aldeya de Torrillas:

al río de Truchiellas e hixe a los morones de Javalambre, como las aguas vierten, e da en el morón Orelano sobre la fuent de la Penna, e hixe al castellar de Abexuela....

En o sieglo XV o suyo nombre s'escribe como La Abeiuela. Este lugar ye en una zona entre a Comunidat de Teruel y as Comarcas churras on pareix que a -ll- esdebinió -j- (una -j- como a francesa u catalana u talment una -ch-, no a -j- velar castellana actual), ya en os sieglo XIII-XIV, como se vei en Torrillas, que ya s'escribiba Torrijas/Torrixas, parabras aragonesas castellanizatas en textos meyevals locals en romanz (ligaxo en no "ligallo"), en toponimos meyevals rematatos en -ejo y no en -ello u -iello, en parabras actuals como asnacho, panocha, regacho que en o Baixo Aragón son asnallo, panolla y regallo, u en hipercorreccions como ceboja.

Demografía

Evolución demografica

1362 f 1495 f 1842 1857 1860 1877 1887 1897 1900 - - 320 642 638 690 684 667 649

1910 1920 1930 1940 1950 1960 1970 1981 1991 687 649 509 456 462 311 164 63 32

1992 1994 1996 1997 1998 1999 2000 2001 2002 - - 70 - 61 63 58 51 47

2003 2004 2005 2006 2007 2008 2009 2010 - 59 68 65 61 68 61 - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									1
Partido Aragonés									1
Partido de los Socialistas de Aragón									1
Total									3

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Vicente Cervera Bartual	Partido Aragonés

Molimentos

• Ilesia de Sant Agostín d'Abelluela, protechita legalment con a suya declaración como Bien d'Intrés Cultural.

Fiestas

• 20 de chulio.
• 28 d'agosto.

Bibliografía

• (ca) Enric Guinot: Ela límits del regne, el procés de formació territorial del País Valencià Medieval (1238-1500). Edicions Alfons El Magnànim. 1995.

Vinclos externos

• Se veigan as imáchens de Commons sobre Abejuela.

Lugars d'o municipio d'Abelluela
Abelluela | Almansa | La Cervera