Meropidae

De Biquipedia
(Reendrezau dende Abellaruelo)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Meropidae
Eixemplar de Merops apiaster
Denominacions populars
Meropidas, meropidos
Clasificación cientifica
Eukaryota
Animalia
Chordata
Aves
Neornithes
Neognathae
Coraciiformes
Meropidae
Descripción
Meropidae
Rafinesque, 1815
Distribución cheografica
Distribución d'as diferents especies en Viello Mundo y Oceanía.

As meropidas u meropidos (cientificament, en latín, Meropidae (Rafinesque, 1815)) son una familia d'aus voladeras d'a orden Coraciiformes, de dieta insectivora y colors de plumas muit vivas, que se conoix regularment en aragonés como «abellaruelos»[1] u «abelleros»[1], y en aragonés ribagorzano tamién[2] como abellerols[1][3]/abellarols[1].

Descripción[editar | modificar o codigo]

Son aus de volido rapido y áchil, con alas que rematan en punta. O cuerpo mesura entre 25 y 30 cm de largo. O plumache ye coloriu, en o cual predominan os tonos azuls y verdes, anque tamién gosan tener pintas amariellas y royiscas en partes concretas d'o cuerpo, como a capeza, huembros y papo.

O pico ye largo, de 4–6 cm, de color fusca, y lo emplegan pa encalzar y pizcar insectos en pleno volido. Tamién pueden pillar-ne directament de tierra. Consumen una ripa d'abellas, graspias, ferfetz y escarabachos, anque o suyo impacto sobre as poblacions d'abellas domesticas ye minimo y sostenible por a propia demografía d'as arnas.[4]

As patas son curtas y fuertes, y les sirven pa prender-se en una percha y pa esgarrapar os cados a on que fan niedo, en ripazos y espuendas de tierra, a buena altaria pa privar que i arriben os predadors.

Cheneros[editar | modificar o codigo]

A familia concabe 3 cheneros:

Referencias[editar | modificar o codigo]

  1. 1,0 1,1 1,2 1,3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
  2. D'alcuerdo con Arnal Purroy (2003), Diccionario del habla de la Baja Ribagorza Occidental -Huesca-, «abellerol» coexiste con a forma mas cheneral en aragonés «abellero»
  3. (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Gara d'Edizions. Zaragoza, 2003. ISBN 84-8094-052-2
  4. (es) La apicultura y los abejarucos son compatibles, consultau o 23 de setiembre de 2018.

Vinclos externos[editar | modificar o codigo]