Ángel Sanz-Briz

De Biquipedia
Ir ta: navego, busca
Placa en memoria d'o diplomatico aragonés Ángel Sanz-Briz, qui salvó a bells mils de chodigos de l'Holocausto en Hongría en 1944. A placa la i caló o Concello de Madrit en a frontera d'a suya casa en a carrera Velázquez.

Ángel Sanz-Briz (Zaragoza, 28 de setiembre de 1910Roma, 11 de chunio de 1980) estió un diplomatico aragonés, que en 1944 contribuyó a salvar as vidas de bells cinco mil chodigos hongaros d'entre l'Holocausto, furnindo pasaportes espanyols, en primeras a os chodigos que alegaban tener orichen sefardita, y más adebant, a qualsiquier chodigo perseguiu. Por ixos feitos, ye reconoixiu con o títol de Chusto entre as Nacions.

Biografía[editar | editar código]

Dimpués d'estudiar Dreito, dentró en a Escuela Diplomatica en 1933, rematando os suyos estudeos poco antes de prencipiar a Guerra Civil Espanyola. Dimpués d'o escomencipio d'ista, s'enroló en as tropas franquistas. Rematada a guerra, obtenió o suyo primer destín diplomatico, como Engargau de negocios en O Caire (Echipto). En 1942, otenió o suyo segundo destín, poco dimpués d'o suyo matrimonio con adela Quijano, tamién como Encargau de negocios en a embaixada espanyola en Hongría, un Estau amanau ta l'Eixe, pero que no prauticaba as midas d'esterminio d'os chodigos que ya se yeran fendo en a resta d'a Europa ocupada por os nazis.[1] Manimenos, a tranquila vida de Sanz-Briz como encargau de negocios cambió de raso quan Alemanya prenió o control d'Hongría, invadindo o país en marzo de 1944. Poco dimpués d'a invasión, o propio Adolf Eichmann se tresladó ta Hongría ta supervisar os plans d'exterminio d'a comunidat chodiga d'o país (bellas 750.000 presonas).

Aduya a os sefarditas[editar | editar código]

Indignau por os plans nazis, Sanz-Briz obtenió d'o gubierno espanyol o premiso ta furnir documentos espanyols a os chodigos sefarditas que podese trobar y negociar con as autoridatz hongaras (titeres d'o gubierno alemán), o treslau ta un puesto seguro de ditas presonas (en virtut d'un viello decreto de 1925 de Miguel Primo de Rivera, que manimenos heba circunduciu en 1931). Sanz-Briz protechió asinas as vidas de bells 5.200 chodigos, fendo servir a suya influencia y contactos (tamien os suyos diners, con qui sobornó a o gauleiter alemán) y tamién edificios logaus con os diners d'a embaixada que rotuló como "Anejo a la legación espanyola". Os metods que siguió los describió ell mesmo en o libro Los judíos en Espanya (os chodigos en Espanya), de Federico Ysart:

Consiguié que o Gubierno hongaro autorizase a protección por parte d'Espanya de 200 chodigos sefarditas (...) Dimpués a fayena estió relativament fácil, as 200 unidatz que m'heban atorgau las torné en 200 familias; y as 200 familias se multiplicoron indefinidament, con o simple procedimiento de no expedir garra salvoconduto u pasaporte a favor d'os chodigos que levase un numero superior a lo 200.

Asinas, d'os 5.200 chodigos que podió salvar a suya vida, nomás bells 200 en yeran d'orichen sefardita. A finals de noviembre de 1944, o gubierno espanyol, dimpués d'a cayida de Budapest a mans d'o Exercito Royo, li ordenó d'albandonar o puesto y tresladar-se ta Suiza. Giorgio Perlasca, un veterán italián d'a Guerra Civil Espanyola, ciudadán espanyol honorario, que heba estau aduyando a Sanz-Briz en as suyas fayenas de protección d'os chodigos, continó o suyo quefer fendo servir documentos d'identidat espanyols falsificaus por ell mesmo, en os que declaraba que yera o cónsul espanyol en Budapest. Perlasca aconsiguió que os chodigos "espanyols" seguisen a salvo dica que o 16 de chinero de 1945 os sovieticos dentroron en Budapest.

Carrera posterior[editar | editar código]

Dimpués, Sanz-Briz continó a suya carrera diplomatica: os suyos destins estioron: San Francisco y Washington, DC (Estaus Unius), Lima, Berna, Bayona, Guatemala, Den Haag, Bruselas y Pekín (1973, an que estió o primer embaixador espanyol). En 1976 estió destinau ta Roma como embaixador d'Espanya debant d'a Santa Seu, an que morió l'11 de chunio de 1980.

O mesmo Sanz-Briz recontó as circumstancias por as que podió salvar a vida de tantos chodigos a Federico Ysart, qui lo deixó escrito en o suyo libro Los judíos en Espanya (1973).

Reconoiximiento[editar | editar código]

En 1991, o Museu de l'Holocausto Yad Vashem d'Israel premió a suya acción y reconoixió a os suyos hereus o títol de Chusto entre as Nacions, inscribindo o suyo nombre en o memorial de l'Holocausto. En 1994 o gubierno hongaro li atorgó a títol postumo a Cruz d'a Orden d'o Merito d'a Republica Ongara.

A ixera d'Ángel Sanz-Briz en o cine[editar | editar código]

O film italiano "Perlasca, un eroe italiano" (Perlasca, un héroe italiano), de 2002, dirichito por Alberto Negrin y protagonizato por Luca Zingaretti y Amanda Sandrelli, con musica de Ennio Morricone, reculle a ixera que escomencipió Angel Sanz-Briz y que continó Giorgio Perlasca.

Se veiga tamién[editar | editar código]

Referencias[editar | editar código]

  1. J. Lacruz El ángel de Budapest. Calendata d'acceso: 2008. El periódico del Estudiante. El Periódico de Aragón. 2008.

Vinclos externos[editar | editar código]